ე.წ. ციანიდის საქმის ბრალდებულის ადვოკატის გიორგი ფანცულაიას განცხადებით, პატრიარქის მდივან-რეფერენტმა შორენა თეთრუაშვილმა ვერ დაადასტურა, უნდოდა თუ არა გიორგი მამალაძეს მისი მოკვლა.

როგორც ადვოკატმა ჟურნალისტებს განუცხადა, მათ მოწმეს კონკრეტული კითხვები დაუსვეს.

"თვით შორენა თეთრუაშვილმაც ვერანაირად ვერ დაადასტურა ის ფაქტი, რომ მის მკვლელობას აპირებდა გიორგი მამალაძე. მას პირდაპირი და მკაფიო კითხვა დავუსვით - ჰქონდა თუ არა რაიმე ანგარების მოტივი გიორგი მამალაძეს, რომ თქვენი მკვლელობა მოემზადებინა. მან თქვა, რომ „არანაირი ანგარების მოტივი მე მისთვის არ მიმიცია“. დავუსვით შემდეგი შეკითხვა, - თქვენ როგორ ფიქრობთ ამზადებდა თუ არა გიორგი მამალაძე თქვენს მკვლელობას, მან თქვა რომ არ ვიციო. სიტყვა სიტყვით ვამბობ", - განაცხადა ფანცულაიამ.

ცნობისთვის, დღეს მოწმის სახით თბილისის საქალაქო სასამართლოში პატრიარქის მდივან-რეფერენტი შორენა თეთრუაშვილი დაიკითხა. მისი დაკითხვა დაახლოებით 3 საათის განმავლობაში მიმდინარეობდა. თეთრუაშვილმა სასამართლოს მიმდებარე ტერიტორია უკომენტაროდ დატოვა. ამასთან, მოწმის სახით იკითხება მეუფე იაკობიც. ის სასამართლოში ცოტა ხნის წინ მივიდა. მეუფე იაკობმა ჟურნალისტებს განუცხადა, რომ "მხოლოდ სიმართლის თქმას აპირებს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება