საქართველოს პრემიერ-მინისტრი გიორგი კვირიკაშვილი საქართველოში დაგეგმილ 19-წლამდე საფეხბურთო ნაკრებს ევროპის ჩემპიონატს გამოეხმაურა.

ტურნირი საქართველოში 2-15 ივლისის ჩათვლით გაიმართება. პრემიერმა სპორტის სამინისტროსა და სფფ-ს ჩემპიონატის წარმატებით ჩატარება უსურვა და  ტურნის საქართველოში გამართვის მნიშვნელობაზე გაამახვილა ყურადღება:

„საქართველოში ევროპის 19-წლამდელთა ჩემპიონატს ვიწყებთ ფეხბურთში. ჩემპიონატი ჩატარდება 2-დან 15-ივლისამდე. ძალიან მიხარია, რომ საქართველო იქცა საერთაშორისო სპორტული ღონისძიებების ცენტრად. წელს ჩვენ ჩავატარეთ ძალიან წარმატებულად რაგბის 20-წლამდელთა ჩემპიონატი, ახლა ჩვენ ვატარებთ 19-წლამდე ასაკის ევროპის საფეხბურთო ჩემპიონატს, სადაც 8 გუნდი და მათ შორის ჩვენი 19-წლამდელთა ნაკრები გადის. მინდა წარმატება ვუსურვო როგორც ჩემპიონატს ჩვენ საფეხბურთო გუნდს. წარმატება მინდა ვუსურვო სპორტის სამინისტროს და ფეხბურთის ფედერაციას, რომ ეს ტურნირიც, როგორც არაერთი ტურნირი, იყოს მაღალ დონეზე შეფასებული როგორც სპორტსმენების, ასევე მსოფლიოს სპორტული საზოგადოების მიერ. ვფიქრობ, რომ ასეთი ტურნირები ხელს უწყობს სპორტის განვითარებას. ჩვენ გვაქვს ბოლო პერიოდში დიდი წარმატებების კასკადი ბოლო ჩვენი სპორტსმენების საერთაშორისო ასპარეზზე. ეს ტურნირი, რა თქმა უნდა,  ხელს უწყობს საქართველოს, როგორც საინტერესო ქვეყნის წარმოჩენას საერთაშორისო მასშტაბით“, - განაცხადა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს