2017-06-21 10:55:03, 2624 ნახვა
მსოფლიო
ბრიუსელში მომხდარ ინციდენტს ტერორისტული აქტის კვალიფიკაცია მიენიჭა
ბრიუსელში მომხდარ ფაქტს ტერორისტული აქტის კვალიფიკაცია მიენიჭა, - ამის შესახებ BBC იუწყება.
მედია საშუალების ინფორმაციით, მეტროსადგურში აფეთქების ხმა გაისმა, თუმცა ის ძლიერი არ იყო.
როგორც BBC წერს, პირს ჰქონდა ასაფეთქებელი ქამარი და სხვა ასაფეთქებელი მოწყობილობები, რომლის განეიტრალება ადგილზევე მოხდა.
მედიის ცნობით, თავდამსხმელის ვინაობა არ სახელდება. ამასთან, არ არის ცნობილი, იყო თუ არა ის კავშირში რომელიმე ტერორისტულ დაჯგუფებასთან. გარდა ამისა, რამდენიმე მედია საშუალება წერს, რომ აფეთქებამდე თავდამსხმელი ყვიროდა: "ალაჰ აკბარ!".
შეგახსენებთ, რომ ბრიუსელის მეტროს ცენტრალურ სადგურზე ევაკუაცია გამოცხადდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
