ჯგუფ Birja Mafia-ს წევრების საქმის პროკურორის, დავით გუმბერიძის თქმით, ბრალდების საქმეში არსებული მტკიცებულებები ნაწილობრივ ეჭვქვეშ დადგა.

როგორც  მან ჟურნალისტებს სააპელაციო სასამართლოში გიორგი ქებურიასა და მიხეილ მგალობლიშვილის წინასწარი პატიმრობიდან გათავისუფლების შემდეგ განუცხადა, გუშინ საგამოძიებო ორგანომ დაიწყო გამოძიებო ამ ბრალდებულების განცხადების საფუძველზე, პოლიციელთა მხრიდან სამსახურებრივი უფლებამოსილების გადამეტებისა და მტკიცებულებების ფალსიფიკაციის შესაძლო ფაქტზე.

„ის ინფორმაცია რაც დააფიქსირეს ბრალდებულებმა  სასამართლოში, ასევე, რაც დაფიქსირდა მათი ადვოკატების მიერ, რაც საჯაროდ გავრცელდა, გადავამოწმეთ, შედგა გასაუბრების ოქმები, შევაჯამეთ ინფორმაცია და დავიწყეთ გამოძიება. მტკიცებულებები კონკრეტულად რაც ბრალდების საქმეშია გამოდის, რომ ეჭვქვეშ დადგა ნაწილობრივ იქიდან გამომდინარე, რომ ვიძიებთ საქმეს უფლებამოსილების გადამეტებასა და ფალსიფიკაციასთან დაკავშირებით“,-აღნიშნა პროკურორმა.

შეგახსენებთ, „ბირჟა მაფიას“ წევრი მიხეილ მგალობლიშვილი წინასწარი პატიმრობიდან 50 ათას ლარიანი გირაოს სანაცვლოდ, ხოლო გიორგი ქებურია 20 ათას ლარიანი გირაოს პირობით გათავისუფლდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის