„ევროპული საქართველო“ აზერბაიჯანელი ჟურნალისტის საქმესთან დაკავშირებით მღებრიშვილს და გომერაულს პარლამენტში იბარებს

2017-06-05 13:33:59, 2293 ნახვა

კომენტარი

"ევროპული საქართველო" აზერბაიჯანელი ჟურნალისტის საქმესთან დაკავშირებით შინაგან საქმეთა მინისტრს და სახელმწიფო უსაფრთხოების სამსახურის ხელმძღვანელს პარლამენტში მისვლისკენ მოუწოდებს და ჩანაწერების გასაჯაროებას მოითხოვს.

"ევროპული საქართველოს" წევრის ელენე ხოშტარიას განცხადებით, ხელისუფლებას ნებისმიერი გზით უნდა მოეთხოვოს, საქმესთან დაკავშირებულ კითხვებზე პასუხის გაცემა.

"ჩვენ უნდა ვაიძულოთ ხელისუფლება, რომ გასცენ კითხვებს პასუხი. თუ ეს გაუვიდა ხელისუფლებას, იმას ნიშნავს, რომ ჩვენ ყველა მოქალაქე, ყველა პოლიტიკოსი ხელს ვაწერთ რომ ჩვენი სახელმწიფო არ არსებობს. აღარ ვლაპარაკობ იმ საერთაშორისო ზიანზე, იმ მორალურ მხარეზე, რომელიც წარმოუდგენელია ამ სიტუაციაში. ჩვენ მოვითხოვეთ შს მინისტრის და სუს-ის ხელმძღვანელის მოსვლა პარლამენტში, რომ სერიოზულად გასცენ პასუხი ყველა კითხვას და გაასაჯაროონ ჩანაწერები", - განაცხადა ელენე ხოშტარიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან