კლინიკა „ლანცეტის“ დირექტორი თავს უდანაშაულოდ მიიჩნევს

2017-05-23 19:07:42, 2309 ნახვა

სამართალი

კლინიკა „ლანცეტის“ დირექტორი ფარმან ჯეირანლი თავს უდანაშაულოდ მიიჩნევს და აცხადებს, რომ დაკავებით მისი უფლებები დაირღვა.

ამის შესახებ მან თბილისის საქალაქო სასამართლოში მიმდინარე პროცესზე განაცხადა.

პროკურატურა კლინიკა „ლანცეტის“ დირექტორისთვის აღკვეთის ღონისძიებად პატიმრობას ითხოვს. საქმის პროკურორის გიორგი ოსაძის განცხადებით, კლინიკის დირექტორმა თაღლითურად მიითვისა პაციენტების თანხა და ოპერაცია ლიცენზიის გარეშე ჩაატარა.

რაც შეეხება დაცვის მხარეს, ადვოკატები ბრალდებულისთვის გირაოს შეფარდებას ითხოვენ.

შეგახსენებთ, პროკურატურამ შპს „ლანცეტის დირექტორი პაციენტებისგან დიდი ოდენობით ფულადი თანხის მოტყუებით დაუფლებისა და სიცოცხლისთვის, ან ჯანმრთელობისთვის საფრთხის შემქმნელი გარემოების შესახებ ინფორმაციის დამალვის ფაქტზე დააკავა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან