ე.წ. ციანიდის საქმეზე მიმდინარე სასამართლო სხდომა დეკანოზ გიორგი მამალაძის ადვოკატებმაც დატოვეს.

როგორც მათ ჟურნალისტებს განუცხადეს, პროცესი მათი დაცვის ქვეშ მყოფის მოთხოვნის საფუძველზე დატოვეს.

ადვოკატ გიორგი ფანცულაიას განმარტებით, ბრალდებულმა გამოხატა პროტესტი სასამართლოს გადაწყვეტილებასთან დაკავშირებით და ითხოვა, ადვოკატებსაც დაეტოვებინათ სხდომა. შესაბამისად, ფანცულაიას თქმით, მათ არ ჰქონდათ უფლება ბრალდებულის წინააღმდეგ წასულიყვნენ.

ადვოკატი იმედოვნებს, რომ მათი მხრიდან პროცესის დატოვება ერთჯერადად მოხდა და მამა გიორგი მამალაძე მათ მისცემს საშუალებას, მომავალ სხდომას დაესწრონ.

შეგახსენებთ, ე.წ. ციანიდის საქმეზე  არსებითი განხილვის სხდომა სრულად  დაიხურა. მოსამართლის აღნიშნულმა გადაწყვეტილებამ ბრალდებულის უკმაყოფილება გამოიწვია და დეკანოზმა გიორგი მამალაძემ სასამართლო სხდომა დატოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით

თსუ-სთან საპროტესტო აქციის მონაწილეები იკრიბებიან

პრეზიდენტი მატარელა: იტალია ყურადღებით აკვირდება საქართველოს ევროკავშირში გაწევრიანების გზას