თურქეთში ონლაინ-ენციკლოპედია Wikipedia დაიბლოკა, - ამის შესახებ Reuters ინტერნეტის მონიტორინგის ჯგუფზე დაყრდნობით იუწყება.

მედია საშუალების ინფორმაციით, მთავრობის კრიტიკოსები აღნიშნულ ფაქტს ინტერნეტში თავისუფალი სიტყვის შეზღუდვად აფასებენ. 

ინტერნეტ-ენციკლოპედია თურქეთის დროით დაახლოებით დილის 8 საათზე დაიბლოკა. 

მომხმარებლებმა Wikipedia-ს ვებგვერდზე შესვლა თურქეთის სხვადასხვა ინტერნეტპროვაიდერის გამოყენებით სცადეს, თუმცა ყველა შემთხვევაში, ერთიდაიგივე შეტყობინება მიიღეს.

შეტყობინება შემდეგი ჭინაარსის იყო: "ვებგვერდთან წვდომა შეუძლებელია და დაკავშირების დრო ამოიწურა".

„თურქეთის ნომერ 5651 კანონის შესაბამისად, ტექნოლოგიებისა და კავშირგაბმულობის საბჭოს მიერ ჩატარებული ტექნიკური და იურიდიული შეფასების შედეგად, 29 აპრილიდან საიტ wikipedia.org-თან მიმართებაში ადმინისტრატიული ზომები გამოიყენება“, - ნათქვამია საბჭოს გადაწყვეტილებაში.

მომხდართან დაკავშირებით, თურქეთის მთავრობას კომენტარი არ გაუკეთებია. ამასთან, დაბლოკვის მიზეზიც უცნობია. 

აღსანიშნავია, რომ თურქეთის მთავრობას ინტერნეტში სხვადასხვა საიტები არაერთხელ დაუბლოკავთ. ფიქსირდებოდა ინტერნეტის შეზღუდვის ფაქტებიც. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები