საქართველოს პრეზიდენტის ადმინისტრაციის უფროსის გიორგი აბაშიშვილის განცხადებით, გიორგი მარგველაშვილზე ყველაფრის გადაბრალებამ გამოკვეთილი ტენდენციის სახე მიიღო.

აბაშიშვილის განმარტებით, სამი წლის განმავლობაში საქართველოს პრეზიდენტი და პრეზიდენტის გუნდი სხვადასხვა კანონპროექტებთან დაკავშირებით კონსულტაციების ღიად აწარმოებენ.

„პოლიტიკურ თვითიზოლაციას ახასიათებს ერთი მნიშვნელოვანი მომენტი,  ეს არის მიდრეკილება შეთქმულების თეორიებისკენ. ზოგადად, როცა ხდება წყვეტა საზოგადოებასთან კომუნიკაციის და ხდება ჩაკეტვა ვიწრო წრეში, ვიწრო სივრცეში, ამ დროს აქვს სწორედ ადგილი სხვადასხვა კონსპირაციებს, ეჭვიანობას. ბოლო პერიოდის განმავლობაში ძალიან გამოკვეთილი ტენდენციის სახე მიიღო ყველაფერის გადაბრალებამ საქართველოს პრეზიდენტისადმი, მაგრამ მინდა ყველას შევახსენო, არსებობენ ადამიანები, რომლებსაც აქვთ უნარი, დამოუკიდებლად მიიღონ გადაწყვეტილებები და არა ვინმე კარნახით. ცხადია, ასეთი ადამიანები არიან პოლიტიკაშიც, არასამთავრობო სექტორშიც, ექსპერტებშიც. სამი წლის განმავლობაში პრეზიდენტის გუნდი ღიად აწარმოებდა კონსულტაციებს ეროვნულ ბანკთან,  მოსმენების კანონთან, საკონსტიტუციო სასამართლოსთან, ტერიტორიულ მოწყობასთან, აფხაზეთის თემასთან, საარჩევნო სისტემასთან დაკავშირებით,  ეს იყო ღია კონსულტაციები თემატურ საკითხებზე და არა  - კონსპირაციული“, - განაცხადა აბაშიშვილმა.

როგორც აბაშიშვილმა აღნიშნა, საკონსტიტუციო საკითხებთან დაკავშირებით პრეზიდენტს საინტერესო კამპანია - “კონსტიტუცია ყველასთვის“ აქვს დაწყებული. 

"საქართველოს პრეზიდენტის საკონსტიტუციო კომისიის წევრები ხვდებიან მოქალაქეებს თბილისსა და საქართველოს რეგიონებში. ვფიქრობ, რომ არის საინტერესო დისკუსია მთელ რიგ საკითხებზე“, - აღნიშნა აბაშიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა