„დროა, ოკუპაციის ხაზით დაყოფილ საზოგადოებას შორის აღდგეს ნდობა და რუსეთის საოკუპაციო რეჟიმმა პროვოკაციული ქმედებების ნაცვლად, ხელი შეუწყოს შერიგებისა და დაახლოების პოლიტიკას“, - ამის შესახებ საქართველოს საგარეო საქმეთა მინისტრმა მიხეილ ჯანელიძემ ოკუპირებულ ცხინვალის რეგიონში ჩატარებული ე.წ.  საპრეზიდენტო არჩევნებისა და რეფერენდუმის საკითხის კომენტირებისას განაცხადა.

მინისტრის თქმით, საერთაშორისო საზოგადოება საქართველოში ასეთი სამართლებრივი ნორმების დარღვევით ჩატარებულ ქმედებას არ აღიარებს.

„არანაირი მნიშვნელობა არ აქვს იმას, რა შედეგი დადგა ე.წ.  საპრეზიდენტო არჩევნებზე და რეფერენდუმზე. საერთაშორისო საზოგადოებამ უკვე დააფიქსირა საკუთარი პოზიცია ამ მოვლენებთან დაკავშირებით და ყველამ კარგად უნდა იცოდეს, რომ არ აღიარებს საერთაშორისო საზოგადოება არასდროს ასეთი ყოველგვარი სამართლებრივი ნორმების დარღვევით ჩატარებულ ნებისმიერ ქმედებას და საერთაშორისო საზოგადოება ყოველთვის იქნება ერთგული საქართველოს ტერიტორიული მთლიანობის და სუვერენიტეტის, როგორც ეს გაცხადებულ იქნა ძალიან ბევრ ოფიციალურ განცხადებაში“,-აღნიშნა ჯანელიძემ.

მისივე თქმით, საქართველოს მთავრობა ძალიან აქტიურად დგამს ნაბიჯებს როგორც საერთაშორისო ფორმატში, ასევე შერიგების პოლიტიკის მიმართულებით და ეს ასეც გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“