აშშ-ის პრეზიდენტის ყოფილმა მრჩეველა აღიარა, რომ რუსული კომპანიებისგან ჰონორარი აიღო

2017-04-02 16:11:56, 2615 ნახვა

მსოფლიო

ეროვნული უსაფრთხოების საკითხებში ამერიკის შეერთებული შტატების პრეზიდენტის ყოფილმა მრჩეველმა მაიკლ ფლინმა რუსული კომპანიები დაასახელა, რომლებისგანაც ჰონორარები აიღო.

მაიკლ ფლინმა თეთრ სახლს საგადასახადო დეკლარაცია წარუდგინა.

დოკუმენტის თანახმად, ფლინმა ტელეკომპანია Russia Today-სგან საიუბილეო ღონისძიებაზე სიტყვით გამოსვლისთვის 45 000 დოლარი აიღო.

ყოფილმა მრჩეველმა ჰონორარები აიღო კიბერუსაფრთხოების კომპანია Kaspersky Lab-ის და ავიაკომპანია Волга-Днепр-ის შვილობილ კომპანიებთან თანამშრომლობისთვისაც.

ფლინმა ჩვენების სანაცვლოდ ხელშეუხებლობის იმუნიტეტი მოითხოვა, რაზეც მან უარი მიიღო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან