საქართველოს სახალხო დამცველის საპარლამენტო მდივნის ეკა ფოფხაძის განცხადებით, ომბუდსმენის აპარატის მიერ  მომზადებული კანონპროექტი გულისხმობს  საკონსტიტუციო სასამართლოს უფლებამოსილების გაზრდას, რომლის მიხედვითაც, საკონსტიტუციო სასამართლო განიხილავს არა მარტო ნორმატიულ აქტებს,  როგორც დღეს ხდება, არამედ საერთო სასამართლოების მიერ მიღებულ გადაწყვეტილებებს.

კითხვაზე - სავალდებულო ინსტანცია უნდა იყოს თუ არა, ფოფხაძემ აღნიშნა, რომ ამის შესახებ  კანონპროექტში არაა აღნიშნული.

"ჩვენ ასე არ დაგვიყენებია საკითხი. აქ მთავარია, იდეა რამდენად მისაღებია. ძალიან მნიშვნელოვანია, საკონსტიტუციო სასამართლომ შეაფასოს სასამართლო გადაწყვეტილებების შესაბამისობა ადამიანის უფლებებთან მიმართებაში.

კიდევ ერთხელ ქვეყნის შიგნით იქნება ამის შანსი,  რომ სასამართლოს სისტემაში თუ რამე ხარვეზი იყო და გადაწყვეტილება არ იყო შესაბამისი კონსტიტუციასთან, ადამიანის უფლებებთან მიმართებაში, კიდევ ერთხელ საქართველოში არსებობდეს იმის შანსი, რომ საკონსტიტუციო სასამართლომ განიხილოს და მიიღოს შესაბამისი გადაწყვეტილება",-განაცხადა ეკა ფოფხაძემ.

პარლამენტში საკონსტიტუციო ცვლილებებზე მომუშავე თემატური ჯგუფის დღევანდელი სხდომა სავარაუდოდ შვიდ საათამდე გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ

სამართალდამცველებმა კერძო საბავშვო ბაღის აღმზრდელი არასრულწლოვნის მიმართ ჩადენილი ძალადობის ბრალდებით დააკავეს