2017-01-19 16:03:14, 2749 ნახვა

---

თეირანში ხანძრის გამო შენობის ჩამონგრევის შედეგად 30-მდე მეხანძრე დაიღუპა - ათობით ადამიანი ნანგრევებშია მოყოლილი

თეირანში სავაჭრო ცენტრ "პლასკოში" გაჩენილი ხანძრის გამო, შენობის ჩამონგრევის შედეგად, 30-მდე მეხანძრე დაიღუპა, - ამის შესახებ ადგილობრივი მედია იუწყება.

მედია საშუალების ინფორმაციით, ნანგრევებში შეიძლება 50-დან 100-მდე ადამიანი იმყოფებოდეს.

არსებული ინფორმაციით, მომხდარის შედეგად 75 ადამიანი დაშავდა. უმეტესობამ მძიმე სახის დამწვრობები და სხეულის სხვადასხვა დაზიანებები მიიღო. დაშავებულთა შორის არიან ცენტრის მუშაკები და მეხანძრეები. ისინი ადგილობრივ საავადმყოფოში არიან გადაყვანილი.

ცნობისთვის, ქალაქში საგანგებო მდგომარეობაა გამოცხადებული. შემთხვევის ადგილას ქალაქის მერი ბაღერ ღალიბაფი იმყოფება.

შეგახსენებთ, რომ სავაჭრო ცენტრ „პლასკოში“ ხანძარი დღეს დილით გაჩნდა. ხანძარი შენობის მეცხრე სართულიდან გავრცელდა. მოგვიანებით გაჩენილი ხანძრის გამო შენობა ჩამოინგრა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი