ეგვიპტის ნახევარკუნძულ სინაიზე, თვითმკვლელი ტერორისტი სატვირტო ავტომობილით პოლიციის შენობაში შევარდა და თავი აიფეთქა, რის შედეგადაც სულ მცირე 8 ადამიანი დაიღუპა, - ამის შესახებ BBC იუწყება.

მედია საშუალების ინფორმაციით, ინციდენტი ქალაქ ელ-არიშში მოხდა. 

ადგილობრივი მედიის ცნობით, აფეთქების შემდეგ ტერორისტის თანამზღაზველებმა შენობას ცეცხლი ტანკსაწინააღმდეგო ყუმბარმტყორცნიდან გაუხსნეს. შედეგად შენობა მთლიანად განადგურდა.  

ამასთან, გარდაცვლილებისა და დაშავებულების ზუსტი ინფორმაციაჯერ არ არის. წინასწარი ინფორმაციით, 10-ზე მეტი ადამიანი მძიმედ დაშავდა. 

მედიის ინფორმაციით, ტერაქტზე პასუხისმგებლობა ჯერ არც ერთ ტერორისტულ დაჯგუფებას არ აუღია. 

ცნობისთვის, მსგავსი თავდასხმები ეგვიპტეში პერმანენტულად ხდება და მათზე, როგორც წესი პასუხისმგებლობას "ისლამური სახელმწიფო" იღებს. 

ანალოგიური თავდასხმა ქალაქ ელ-არიშში 2015 წლის აპრილში მოხდა, როდესაც ტერორისტები პოლიციის შენობას დაესხნენ თავს. მაშინ ინციდენტის შედეგად 6 ადმიანი დაიღუპა. 

შეგახსენებთ, რომ 2015 წლის შემოდგომაზე, ჯიჰადისტებმა რუსული ავიოლაინერის A321-ის აფეთქებაზეც აიღეს პასუხისმგებლობა, რის შედეგადაც 224 ადამიანი დაიღუპა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“