ოთარ დანელია: იმედია, პრემიერი ჩემი მუშაობით კმაყოფილია

2015-03-26 15:52:07, 387 ნახვა

პოლიტიკა

"იმედია, პრემიერი ჩემი მუშაობით კმაყოფილია,-ამის შესახებ სოფლის მეურნეობის მინისტრმა ოთარ დანელიამ ჟურნალისტის კითხვაზე პასუხისას განაცხადა.
ცნობისთვის, დღეს ირაკლი ღარიბაშვილმა დღევანდელ პრესკონფერენციაზე განაცხადა, რომ ყველა მინისტრის მუშაობით კმაყოფილი არაა.
„ამ ეტაპზე არ იგეგმება არც ერთი მინისტრის გადახედვა გათავისუფლება, მსგავს სენსაციას უახლოეს პერიოდში არ გპირდებით. ამასთან ერთად, რომ გითხრათ ყველა მინისტრის მუშაობით კმაყოფილი ვარ მეთქი, ალბათ არ იქნება გულწრფელი ნათქვამი. მე პირველ რიგში საკუთარ თავს ვთხოვ უფრო მეტს, მაქსიმუმის გაკეთება უნდა შევძლთ და იგივე მოწოდებები მაქვს მინისტრებისადმი. მინისტრების მიმართ მოთხოვნა რაც მაქვს, ეს არის მეტი ინიციატივა აიღონ მათ, მეტი აქტიურობისკენ მოვუწოდებ. მაქსიმალურად უნდა დავიხარჯოთ ჩვენი ქვეყნისთვის და ჩვენი ხალხისთვის“, - განაცხადა ირაკლი ღარიბაშვილმა.
ამასთან, ჯანდაცვის მინისტრ დავით სერგეენკოს შეფასებით, დღევანდელ პრესკონფერენციაზე ირაკლი ღარიბაშვილმა ყველა კითხვას ნათლად უპასუხა.
"პრემიერის კონფერენციაზე ძალიან ნათლად იყო ჩამოყალიბებული მთავარი მიმართულებები, ის, რაც უკვე შესრულდა და რაზეც მუშაობს საქართველოს მთავრობა, ისევე რიოგორც ძალიან ნათლად გაეცა პასუხები დასმულ კითხვებს",-აღნიშნა დავით სერგეენკომ.