გავრცელებულ ინფორმაციას, რომლის მიხედვითაც 17 წლის არასრულწლოვან გოგონას თურქეთის სამი მოქალაქე თავს დაესხა და დაზიანება მიაყენა, შინაგან საქმეთა სამინისტრო კატეგორიულად უარყოფს.

როგორც "ექსპრესნიუსს" შსს-ში განუცხადეს, გამოკითხვის შედეგად არ დადასტურდა თურქეთის მოქალაქეების მიერ, გოგონაზე თავდასხმის ფაქტი.

"პოლიციამ მოახდინა, არასრულწლოვანის გამოკითხვა, რის შედეგადაც არ დადასტურდა რომ მასზე თავდასხმა განხორციელდა" - აცხადებენ სამინისტროში.

ამასთან პოლიციის ინფორმაციით, გოგონამ თვითდაზიანება მიიყენა, მოტივს და მიზეზებს პოლიცია იძიებს.

გუშინ ღამით, ნაციონალისტურმა ჯგუფმა "ქართული ძალა" გაავცელა ინფორმაცია, რის მიხედვითაც  სანზონაში სამმა თურქმა სცემა არასრულწლოვანი გოგო და ქონდათ გაუპატიურების მცდელობა. ჯგუფის წევრები პოლიციის განყოფილებაში მთელი ღამის განმავლობაში იმყოფებოდნენ. ისინი აგრესიულად იყვნენ განწყობილი და ჟურნალისტებსაც დაუპირისპირდნენ. 

ამასთან, ფეისბუქის გვერდზე "ქართული ძალა" შემდეგი შინაარსის ინფორმაციას ავრცელებს:

"17 წლის გოგოზე იძალადეს და ქართული პოლიცია 6 საათი ფსიქოლოგიურ ზეწოლას ახდენდა არასრულწლოვან გოგოზე, რომ უარი ეთქვა იმ ბრალდებაზე. პირდაპირ უთხრეს რომ არ ჯეროდათ და ვინაიდან ნაციონალისტებს ჰქონდათ რეაქცია დაგვიჭერდნენ ჩვენც (ვითომ ჩვენი მითითებით მოხდა) და თვითონაც შარში გაიხვევდა თავს. ადვოკატი რომ შევიდა უკვე ახსნა განმარტება ჩამორთმეული ჰქონდათ... მაგრამ იმდენი შეძლო რომ სახალხო დამცველის წარმომადგენელისთვის ეთქვა ყველაფერი სიმართლე რაც სინამდვილეში იყო. ამაღამ რომ დაიძინებთ ერთი რამე გახსოვდეთ, ჩვენს ქვეყანაში არის 17 წლის აკანკალებული ქართველი გოგო, სამი ბინძური ოსმალო და უზარმაზარი სისტემა რომელიც არაფერს არ გააკეთებს თქვენთვის. ზარი და ზანალაკი ოცნებას, ნაციონალებს, სხვა და სხვა პარტიებს, ლიბერალურლ ტელევიზიებს, ნაცემ ტრანსგენდერებს და უსაქმურ არაფრის მაქნის ხალხს. მადლობა ყველა იმ უბრალო ქართველბს ვინც გვერდში უდგეხართ ერთმანეთს." - წერია ნაციონალისტების ჯგუფის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს