„ოცნება“ ნაციონალისტების მსვლელობაზე: ეს არის ქვეყნის უსაფრთხოების წინააღმდეგ განხორციელებული აქცია

2016-09-27 23:23:54, 864 ნახვა

საზოგადოება

"ქართული ოცნება- დემოკრატიული საქართველოს" ნაციონალისტების დღევანდელ მსვლელობას ეხმაურება.

"ქართული ოცნება" გმობს ე.წ. ნაციონალისტური ჯგუფების მიერ მოწყობილ აქციას და როგორც ისინი განცხადებაში აღნიშნავენ, "ეს არის ქვეყნის უსაფრთხოების წინააღმდეგ განხორციელებული აქცია".

"ქართული ოცნება- დემოკრატიული საქართველოს" განცხადება ქართული ოცნება გმობს ე.წ. ნაციონალისტური ჯგუფების მიერ მოწყობილ აქციას. ეს არის ქვეყნის უსაფრთხოების წინააღმდეგ განხორციელებული აქცია. აუცილებელია, რომ შესაბამისმა ორგანოებმა მოახდინონ ფაქტის გამოძიება და შესაბამისი სამართელბრივი რეაგირება. კატეგორიულად მიუღებელია ჩვენი საზოგადოებისთვის ყოველგვარი ძალადობა და აქცია, რომელიც მიმართულია შუღლის გაღვივებისა და ქვეყნის დესტაბილიზაციისკენ", - ნათქვამია განცხადებაში.

შეგახსენებთ, როგორც შსს-დან "ექსპრენიუსს" აცნობეს, აქტივისტებმა არასანქცირებული მსვლელობა გამართეს. მსვლელობის მონაწილეები გამოირჩეოდნენ განსაკუთრებული აგრესიით, შეურაცხყოფას აყენებდნენ მოქალაქეებს, ისროდნენ მაშხალებს სავაჭრო ობიექტებსა და კაფეებში, აზიანებდნენ წარწერებსა და ბანერებს.

შემთხვევის ადგილზე მობილიზებული იქნა საპატრულო პოლიციის ეკიპაჟები. სამართალდამცველებმა არასანქცირებული, აგრესიული მსვლელობა დაშალეს და ხულიგნობის ბრალდებით აღმაშენებლის გამზირზე 11 პირი დააკავეს.

გამოძიება საქართველოს სისხლის სამართლის კოდექსის 239-ე მუხლის მე-2 და მე-3 ნაწილებით მიმდინარეობს

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან