„ქართულმა ოცნებამ“ აჭარის უმაღლესი საბჭოს არჩევნებისთვის პარტიული სია წარადგინა

2016-09-08 17:37:42, 1044 ნახვა

პოლიტიკა

აჭარის უმაღლესი საბჭოს არჩევნებში "ქართული ოცნების" პროპორციული სია უკვე ცნობილია.

სიის პირველი ნომერი აჭარის ჯანდაცვის ყოფილი მინისტრი ნუგზარ სურმანიძე იქნება, რომელიც ამავდროულად მაჟორიტარობის კანდიდატიც არის. მეორე ნომერი იურისტი დავით გაბაიძე, მესამე კი საკრებულოს მოქმედი თავმჯდომარე ირაკლი ჭეიშვილია.

სიაში ორი ჟურნალისტია, აჭარის მაუწყებლის დირექტორის პირველი მოადგილე ცოტნე ანანიძე და ჟურნალისტი და პოლიტოლოგი ნინო ჩხეტია. სიაშია მე-6, მე-7 ნომრებად ლადო მგალობლიშვილი და დავით ბაციკაძე არიან.

სიაში არ არის აჭარის მთავრობის ყოფილი თავმჯდომარე არჩილ ხაბაძე და უმაღლესი საბჭოს მოქმედი დეპუტატები.

ირაკლი ჭიშვილის განმარტებით, არჩილ ხაბაძე პარლამენტის სიაში იქნება.

"ჩვენ შევეცადეთ ახალი სახეები ყოფილიყვნენ. სიაში არიან ადამიანები, რომლებიც პარტიაში თავიდანვე იყვნენ და ჩვენთან ერთად მოდიან. რაც შეეხება ახალ სახეებს, ისინი ბექგრაუნდის და რეპუტაციის მიხედვით შევარჩიეთ", - განაცხადა "ქართული ოცნების" საარჩევნო შტაბის ხელმძღვანელმა ირაკლი ჭეიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან