ისნის რაიონში, ონაშვილის ქუჩის №1-ში მდებარე  №37-ე ახალ საბავშვო ბაგა-ბაღში ბავშვების ელექტრონული რეგისტრაცია 12 სექტემბერს, 12:00 საათზე დაიწყება.

მერიის ინფორმაციით, მსურველებს რეგისტრაციის გავლა შეუძლიათ თბილისის ბაგა-ბაღების მართვის სააგენტოს ვებ-გვერდზე www.kids.org.ge.

№ 37 საბავშვო ბაგა-ბაღი ერთ-ერთია იმ შვიდი ბაღიდან, რომელთა მშენებლობა გასულ წელს დაიწყო.  ახალ საბავშვო ბაგა-ბაღში  აღსაზრდელთა 12 ჯგუფი შეიქმნება, რომელთაგან 3 იქნება ბაგა. 

ორსართულიანი შენობა 2 300 კვ.მ-ს მოიცავს, სადაც სკოლამდელ განათლებას 450-მდე ბავშვი მიიღებს.

შენობა ადაპტირებულია განსაკუთრებული საჭიროების მქონე ბავშვებისთვის.

ამ ეტაპზე  ბაღში ეზოს კეთილმოწყობის სამუშაოები და სპორტულ-გასართობი მოედნების მონტაჟი მიმდინარეობს.

გარდა აღნიშნული ბაღისა,  მიმდინარე წელს თბილისში ოთხი ახალი ბაღი გაიხსნა, კიდევ ორის გახსნა კი უახლოეს კვირებში იგეგმება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის