მარგველაშვილი: არჩევნებზე უნდა ვუჩვენოთ ახალი სტანდარტი, სადაც არჩევანს გავაკეთებთ არა ვიღაცის წინააღმდეგ, არამედ ვიღაცისთვის

2016-09-06 11:12:58, 780 ნახვა

პოლიტიკა

საქართველოს პრეზიდენტი გიორგი მარგველაშვილი საერთაშორისო კონფერენციის „ევროპის ცვალებადი გეოსტრატეგიული ლანდშაპტი - ვარშავის სამიტის შემდეგ“ ფარგლებში მიმდინარე დისკუსიაში მონაწილეობს.

გიორგი მარგველაშვილმა სიტყვით გამოსვლისას მოახლოებულ საპარლამენტო არჩევნებზე ისაუბრა.

პრეზიდენტის თქმით, მნიშვნელოვანია არჩევნები უმაღლესი ევროპული სტანდარტების შესაბამისად ჩატარდეს.

„2012 წლის არჩევნები, როდესაც მთავრობა შეიცვალა მნიშვნელოვანი იყო, ახლა ამ არჩევნებით უნდა დავადგინოთ საარჩევნო კამპანიის ახალი სტანდარტი, სადაც არჩევანს გავაკეთებთ არა ვიღაცის წინააღმდეგ, არამედ ვიღაცისთვის, ვიღაცის ასარჩევად. ამომრჩევლები ცოტათი თითქოს აღარ არიან ისეთი აქტიურები და მობილიზებული, რადგან დიდი რევოლუცია არ ხდება ამ არჩევნების გარემოში. ახალი სტილი უნდა ვაჩვენოთ ამომრჩევლებს, ყველანი უნდა გავიზარდოთ, ადამიანებმა არ უნდა მიიღონ ემოციური გადაწყვეტილებები. ვცდილობთ, ამომრჩევლები, ვისაც არ მიუღია გადაწყვეტილება, ჩავრთოთ და ხმა მივაცემინოთ არჩევნებზე“, - განაცხადა გიორგი მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან