პარლამენტში ეკონომიკურ მდგომარეობის განხილვის მიზნით საკომიტეტო სხდომა გაიმართება

2015-03-09 16:30:06, 552 ნახვა

პოლიტიკა

პარლამენტში ქვეყანაში ეკონომიკური მდგომარეობის განხილვის მიზნით რიგგარეშე სხდომის ნაცვლად, საკომიტეტო მოსმენა გაიმართება.
ამის შესახებ პარლამენტის თავჯდომარე დავით უსუფაშვილმა განაცხადა.
მისივე თქმით, საკომიტეტო მოსმენაზე მთავრობის ეკონომიკური გუნდის წევრები ეკონომიკური კრიზისიდან დაღწევის გზებზე იმსჯელებენ, კომიტიტეტის წევრებს, კი მათთან კითხვების დასმის საშუალება ექნებათ.
რაც შეეხება დროს, უსუფაშვილის განცხადებით, საკომიტეტო მოსმენა კვირის ბოლოს ჩატარდება.
„საკომიტეტო მოსმენა, ეკონომიკური ბლოკის სამინსტროების მონაწილეობით ამ კვირის ბოლოს ჩატარდება, სადაც კიდევ ერთხელ განვიხილავთ ქვეყანაში მიმდინარე მდგომარეობას ფინანსური თვალსაზრისით. ეკონომიკური მდგომარეობა და ა.შ. ეს თემა ჩვენი მხრიდან მუდმივი ყურადღების ქვეშ არის და ამ კვირის ბოლოს საკომიტეტო მოსმენის რეჟიმშიც იქნება განხილული“, – აღნიშნა უსუფაშვილმა.
ცნობისთვის „ერთიანი ნაციონალური მოძრაობა“ გამოვიდა ინიციატივით, ქვეყანაში შექმნილი ეკონომიკური მდგომარეობის განხილვის მიზნით, პარლამენტში რიგგარეშე სხდომა გაიმართოს.