თბილისი-თელავის ავტომაგისტრალზე ავარიის შედეგად, ერთი ადამიანი გარდაიცვალა

2016-07-16 17:20:43, 1225 ნახვა

სამართალი

თბილისი-თელავის დამაკავშირებელ მაგისტრალზე ავტოსაგზაო შემთხვევას 50-წლამდე მამაკაცის სიცოცხლე ემსხევრპლა.

გავრცელებული ინფორმაციით, ოპელის მარკის ავტომობილი გზის სავალი ნაწილიდან გადავიდა და ხეს შეეჯახა.

როგორც "ექსპრესნიუსს" შსს-ს საზოგადოებასთან ურთიერთობის სამსახურში განუცხადეს, მომხდარზე გამოძიება სსკ-ის 276 მუხლის მე-5 ნაწილით მიმდინარეობს (ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ადამიანის სიცოცხლის მოსპობა გამოიწვია. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე).

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან