ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრ დავით ბაქრაძის განცხადებით, საქართველოს  ვიზალიბერალიზაციასთან დაკავშირებით,  ევროპაში პოლიტიკური გადაწყვეტილება უკვე მიღებულია და პროცედურული საკითხებია დარჩენილი.

 მისივე თქმით,  არასასიამოვნო სიურპრიზებს არ ელოდებიან:

“ შეგვიძლია თამამად  ვთქვათ, რომ ვიზალიბერალზიაციასთან დაკავშირებით პოლიტიკური გადაწყვეტილება ევროპაში მიღებულია. ესაა საკითხი, რომელიც უკავშირდება პროცედურულ დეტალებს, რაც თანამიმდევრულად მიმდინარეობს შესაბამის სტრუქტურებში. 5 სექტემბერს იგეგმება „ლიბეს“ კომიტეტში კენჭისყრა, ჩვენ გვაქვს აბსოლუტური პოზიტიური განცდა ამ საკითხთან დაკავშირებით. ეს ნიშნავს, რომ 5 სექტემბერს ლიბეს კომიტეტში დადებითი გადაწყვეტილების შემდგომ, საქართველოს ვიზალიბერალიზაციის საკითხი უკვე  ჩაინიშნება ევროპარლამენტის პლენარული სესიის დღის წესრიგში და მიიღებენ გადაწყვეტილებას. გვაქვს პოზიტიური განცდა, ასეთია დამოკიდებულება ჩვენი ევროპელი პარტნიორებისა. ველოდებით, რომ არასასიამოვნო სიურპრიზები  ამ კუთხით არ იქნება“,-განაცხადა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია