ერაყში აფეთქების შედეგად 11 ადამიანი გარდაიცვალა, 30-ზე მეტი კი, დაშავდა

2016-07-12 15:31:28, 1438 ნახვა

მსოფლიო

ერაყის დედაქალაქში დანაღმული ავტომობილის აფეთქების შედეგად 11 ადამიანი გარდაიცვალა, 30-ზე მეტი კი დაშავდა, - ამის შესახებ ინფორმაციას BBC ავრცელებს.

მედია საშუალების ცნობით, აფეთქება ბაღდადის შიიტურ რაიონში რაშიდიაში, ბაზარში მოხდა.

აღსანიშნავია, რომ აფეთქება ერაყის დედაქალაქში აშშ-ის თავდაცვის მდივნის ეშტონ კარტერის ვიზიტის მეორე დღეს განხორციელდა.

ცნობისთვის, მიმდინარე თვის დასაწყისში ბაღდადის ცენტრში მომხდარ თავდასხმას 300-მდე ადამიანი ემსხვერპლა. მაშინ ტერაქტზე პასუხისმგებლობა “ისლამურმა სახელმწიფომ” აიღო.

შეგახსენებთ, რომ ივნისის ბოლოს ერაყის სამთავრობო ძალებმა საერთაშორისო ავიაციის დახმარებით ექსტრემისტებისგან ქალაქი ფალუჯა გაათავისუფლეს. 9 ივლისს კი ერაყელმა სამხედროებმა მოსულის მახლობლად მდებარე ავიაბაზა დაიკავეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან