საქართველოს პრეზიდენტის ადმინისტრაციის უფროსმა გიორგი აბაშიშვილმა და პრეზიდენტის ეკონომიკურმა მრჩეველმა მაია მელიქიძემ საერთაშორისო სავალუტო ფონდის ახალ მუდმივ წარმომადგენელთან საქართველოში ფრანსუა პეჰშოსთან გაცნობითი ხასიათის შეხვედრა გამართეს.

პრეზიდენტის ადმინისტრაციის პრესსამსახურის ინფორმაციით, ფრანსუა პეჰშო უფლებამოსილების შესრულებას მიმდინარე წლის ივლისიდან შეუდგა.

მან აზიმ სადიკოვი შეცვალა, რომელიც ასევე ესწრებოდა პრეზიდენტის ადმინისტრაციაში გამართულ შეხვედრას.

მათივე ინფორმაციით, მხარეებმა განიხილეს საქართველოში საერთაშორისო სავალუტო ფონდის მისიის მუშაობისა და სამომავლო თანამშრომლობის საკითხები.

საქართველოს პრეზიდენტის ადმინისტრაციის უფროსმა გიორგი აბაშიშვილმა საერთაშორისო სავალუტო ფონდის ყოფილ წარმომადგენელს აზიმ სადიკოვს წლების განმავლობაში გაწეული მუშაობისათვის და პრეზიდენტის ადმინისტრაციასთან მჭიდრო, გამჭვირვალე და აქტიური თანამშრომლობისათვის მადლობა გადაუხადა და აღნიშნა, რომ ამ ურთიერთობის შედეგად ქვეყნის ეკონომიკის განვითარებისათვის ბევრი დადებითი ნაბიჯი გადაიდგა.

საქართველოში საერთაშორისო სავალუტო ფონდის მუდმივმა წარმომადგენელმა ფრანსუა პეჰშომ პრეზიდენტის ადმინისტრაციასთან ყველა მნიშვნელოვან საკითხზე მჭიდრო თანამშრომლობის  გაგრძელების მზადყოფნა გამოთქვა და მადლობა გადაუხადა პრეზიდენტის ადმინისტრაციას  ქვეყანაში ინსტიტუციების გამართულ მუშაობაში შეტანილი წვლილისათვის. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები