პენიტენციური ჯანდაცვის ეთიკის კოდექსის სრულყოფისთვის საერთაშორისო და ადგილობრივი ექსპერტები მუშაობენ

2016-07-02 17:28:30, 634 ნახვა

საზოგადოება

საქართველოს პენიტენციური სისტემის სამედიცინო პერსონალისათვის განკუთვნილი ეთიკის კოდექსის განხილვის მიზნით ევროპის საბჭომ სამუშაო ჯგუფის შეხვედრა გამართა.

სასჯელაღსრულების სამინისტროს ინფორმაციით, ეთიკის კოდექსის პროექტი ევროპის საბჭოს ადგილობრივმა ექსპერტებმა საერთაშორისო ექსპერტის მითითებებისა და რეკომენდაციების გათვალისწინებით შეიმუშავეს. აღნიშნული კოდექსი საერთაშორისოდ აღიარებულ პრინციპებს, სტანდარტებსა და ევროპულ პრაქტიკას ეფუძნება, რომელიც ციხის ჯანდაცვაში ჩართულ სამედიცინო პერსონალისათვის უმნიშვნელოვანესია.

შეხვედრას სასჯელაღსრულებისა და პრობაციის სამინისტროს წარმომადგენლები, ასევე, ევროპის საბჭოს ადგილობრივი და საერთაშორისო ექსპერტები დაესწრნენ. აღნიშნული ჯგუფი კოდექსის დახვეწასა და სრულყოფაზე იმუშავებს, რათა ის დასამტკიცებლად და შემდგომი გამოყენებისთვის მოამზადოს.

შეხვედრა ევროკავშირისა და ევროპის საბჭოს ერთობლივი პროექტის - "ადამიანის უფლებები და ჯანდაცვა საქართველოს ციხეებსა და დახურული ტიპის სხვა დაწესებულებებში II" - ფარგლებში გაიმართა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან