"ნაციონალური მოძრაობის" წევრის თინა ბოკუჩავას განცხადებით, "რუსთავი2“-თან დაკავშირებით, სააპელაციო სასამართლოს გადაწყვეტილება მისთვის მოულოდნელი არ ყოფილა.

როგორც ბოკუჩავამ "ექსპრესნიუსს" განუცხადა, განზრახ იყვნენ შერჩეული ისეთი მოსამართლეები, რომლებიც პირდაპირ დაექვემდებარებოდნენ ყოფილ პრემიერ ბიძინა ივანიშვილის ნება-სურვილს.

"კარგად ვიცით მრავალი კითხვის ნიშანი, რაც არსებობდა ამ მოსამართლეების მიმართ. ერთი საერთოდ უფლებამოსილი არ იყო, რომ სამოქალაქო საქმე განეხილა, მეორე  თაღლითობაში იყო ეჭვმიტანილი.  რამდენჯერმე გამოიცვალა კოლეგიები იმისათვის, რომ მოეძებნათ ისეთი კოლეგია, რომელიც საერთოდ კითხვის ნიშანს არ დასვამდა ამ საქმის სამართლებრივ ნაწილთან. პირდაპირ მიიღებდა პოლიტიკურ გადაწყვეტილებას, შეასრულებდა ბიძინა ივანიშვილის დაკვეთას, რომელზეც მან ძალიან ღიად განაცხადა, როცა მოვიდა ხელისუფლებაში, რომ მისი განზრახვა იყო პირდაპირ გადაეფორმებინა, მიეტაცებინა დამოუკიდებელი,  პროდასავლური და ოპოზციურად განწყობილი ტელევიზია. შესაბამისად, სააპელაციო სასამართლოს გადაწყვეტილება ნამდვილად არ იყო სიურპრიზი", - განაცხადა თინა ბოკუჩავამ.

მისივე შეფასებით, სამართალი მაინც იზეიმებს მაშინ, როცა 8 ოქტომბერს ქართველი ამომრჩეველი ბიძინა ივანიშვილის ხელისუფლებას "არას" ეტყვის.

"დარწმუნებული ვარ, რომ მაინც იზეიმებს სამართალი იმ მხრივ, რომ ადამიანების და საზოგადოების ერთსულოვნება "რუსთავი2"-ის დამოუკიდებლობის დაცვაში, იყო ის, რამაც  გადაარჩინა "რუსთავი2" აქამდე და  დარწმუნებული ვარ,  ის მაინც შეინარჩუნებს თავის დამოუკიდებლობას. საბოლოო და ყველაზე მნიშვნელოვანი განაჩენი იქნება 8 ოქტომბერს, როდესაც  ქართველი ამომრჩეველი გამოუტანს განაჩენს ბიძინა ივანიშვილს და ეტყვის არას არაფორმალურ, უნიათო და სრულიად არანორმალური ფორმის მმართველობას საქართველოში",- აღნიშნა  თინა ბოკუჩავამ.

შეგახსენებთ, "რუსთავი 2"-ის საქმეზე სააპელაციო სასამართლომ პირველი ინსტანციის გაადაწყვეტილება ძალაში დატოვა.

ტელეკომპანიის  ადვოკატები საქალაქო სასამართლოს მოსამართლის თამაზ ურთმელიძის მიერ 2015 წლის 3 ნოემბერს მიღებული გადაწყვეტილების გაუქმებას და საქმის პირველ ინსტანციაში დაბრუნებას ითხოვდნენ.

ურთმელიძის მიერ მიღებული გადაწყვეტილებით, ტელეკომპანიის  წილის 100%  ბიზნესმენ ქიბარ ხალვაშს გადაეცა. კერძოდ,  „რუსთავი 2“-ის წილის 60% უშუალოდ  ქიბარ ხალვაშს, 40% კი, მის კუთვნილ კომპანია "პანორამას".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში