სასჯელაღსრულების სამინისტროს საზოგადოებასთან ურთიერთობის სამსახურის განცხადებით, სასჯელაღსრულების მე-8 და მე-6 დაწესებულებებში 36 უვადო მსჯავრდებული შიმშილობს. თუმცა, 36-ვე პატიმრის ჯანმრთელობის მდგომარეობა დამაკმაყოფილებელია.

ამის შესახებ სამინისტროს საზოგადოებასთან ურთიერთობის სამსახურში განუცხადეს. ისინი არ ადასტურებენ, მსჯავრდებულების ახლობლების განცხადებებს, თითქოს მოშიმშილე პატიმრებს ყურადღებას არავინ აქცევს.

შეგახსენებთ, მთავრობის ადმინისტრაციასთან უვადო პატიმრების ახლობლები შეიკრიბნენ.

მათი  თქმით, უკვე 20-დღეა, რაც  მე-8 და მე-6  დაწესებულებებში  უვადო პატიმრები შიმშილობენ, რომელთა პროტესტსაც თავადაც ჯერ ამ აქციით უერთდებიან,  შემდგომ კი, ქუთაისის პარლამენტის შენობის წინ, შიმშილობას დაიწყებენ.

აქციის მონაწილეების განცხადებით,   როდესაც 2012 წელს  საყოველთაო ამნისტია გამოვიდა, ყველა მსჯავრდებულს  სასჯელი სულ მცირე  ¼-ით მაინც შეუმცირდა, მათ შორის იგივე სახის  დანაშაულისთვის მსჯავრდებულებსაც, რა სახის  დანაშაულებიც  ინკრიმინირებულ უვადო პატიმრებს აქვთ.

 მათი განმარტებით,  უვადო პატიმრებს  80 განჩინებაში სასამართლომ დაუწერა: “ ამნისტიის კანონის თანახმად, ¼-ით შეგიმცირდათ უვადო სასჯელი, მაგრამ გრჩებათ კვლავ უვადო ამნისტიის კანონის უზენაესობით“.

უვადო პატიმრების ახლობლების განცხადებით, ეს  საკანონმდებლო ხარვეზი უნდა გამოსწორდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“