საქართველოს დამოუკიდებლობის აღდგენის 25 წლისთავის საზეიმოდ აღსანიშნავად, პორტუგალიის რესპუბლიკაში საქართველოს საელჩოს ორგანიზებით, ოფიციალური მიღება გაიმართა.

საგარეო უწყების ინფორმაციით, მიწვეულ სტუმრებს მისასალმებელი სიტყვით მიმართა საქართველოს საგანგებო და სრულუფლებიანმა ელჩმა რევაზ ბეშიძემ, რომელმაც საქართველოსა და პორტუგალიას შორის არსებულ თანამშრომლობაზე და ორმხრივი ურთიერთობების განვითარების სამომავლო პერსპექტივებზე, საქართველოს ურთიერთობებზე პორტუგალიურენოვანი ქვეყნების თანამეგობრობასთან(CPLP), საქართველოს საგარეო პოლიტიკის პრიორიტეტულ მიმართულებებზე და საქართველოს ევროპული და ევრო-ატლანტიკური დღის წესრიგის მნიშვნელოვან ასპექტებზე ისაუბრა.

მიღების ფარგლებში ასევე გაიმართა საქართველოს პირველი დემოკრატიული რესპუბლიკის და ასევე 1991 წელს რეფერენდუმის ჩატარებისა და დამოუკიდებლობის გამოცხადების ამსახველი ფოტოგამოფენა. ასევე პორტუგალიელი ფოტოგრაფის მარგარიდა პერეირა მულერის ფოტოგამოფენა, სადაც წარმოდგენილი იყო მისი საქართველოში მოგზაურობის დროს გადაღებული ფოტოები.

საზეიმო მიღებას ესწრებოდნენ პორტუგალიის აღმასრულებელი და საკანონმდებლო ორგანოების, ლისაბონში აკრედიტებული დიპლომატიური კორპუსის, მედიის, არასამთავრობო და კვლევითი ცენტრების, პორტუგალიაში არსებული ქართული დიასპორის წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს