ჯობდა „ნაციონალურ მოძრაობას“ მეცნიერება არ გაენადგურებინა“, - ასე უპასუხა საქართველოს ყოფილმა პრემიერ-მინისტრმა ბიძინა ივანიშვილმა ტექნოლოგიური ინსტიტუტის გახსნაზე ჟურნალისტის კითხვას -  „ხომ არ დაგვიანდა ტექნოლოგიური ინსტიტუტის მშენებლობა“.

როგორც ივანიშვილმა აღნიშნა, დღევანდელ ბიუჯეტს არ აქვს შესაძლებლობა, დამოუკიდებლად განახორციელოს ასეთი მასშტაბური პროექტები და ამიტომ, ამ პროცესში კერძო ბიზნესი ჩაერთვება.

"ჯობდა „ნაციონალურ მოძრაობას" არ გაენადგურებინა მეცნიერება და ყურადღება მიექციათ თავის დროზე. საუბედუროდ დღევანდელ ბიუჯეტსაც არ აქვს ამის შესაძლებლობა ამიტომ კერძო დაფინანსებით მოხდება ამის ჩამოყალიბება, ვინაიდან ძალიან მძიმე იქნება ეს დღევანდელი ბიუჯეტისთვისაც. "ნაციონალურმა მოძრაობამ" გაანადგურა და ფუნდამენტალური დარტყმა მიაყენა მეცნიერებას და დღეს მას მერე რაც ჩვენ მოვედით, ყურადღებას ვუთმობთ ამ მიმართულებას და ეს გაგრძელდება ახალი გუნდით და ახალი ძალებით. პოლიტიკოსები და მეცნიერები ყველაფერს გააკეთებენ, რომ ის ღირსება დავიბრუნოთ, რაც ამ სფეროში გვქონდა“, - განაცხადა ივანიშვილმა.

რაც შეეხება ტექნოლოგიურ ინსტიტუტს, ივანიშვილმა მას ”მეგაპროექტი” უწოდა და განაცხადა, რომ მისი გამოყენება რამდენიმე მიმართულების მეცნიერებას შეეძლება.

"მოგეხსენებათ, საქართველოში დღევანდელი მეცნიერება ძალიან დაბალ დონეზეა, მაგრამ ბოლო ეტაპზე დამოუკიდებლობის შემდგომ, იმ რთულ პირობებში, როგორც საქართველო ვითარდებოდა, მეცნიერებამ ყველაზე მეტი დარტყმა განიცადა და ახლა ვცდილობთ, რომ დავიბრუნოთ ტრადიციები, რომ მეცნიერება ავაღორძინოთ. ამ ცენტრს ექნება ძალიან დიდი მნიშვნელობა, რამეთუ ფიზიკოსებს, მათემატიკოსებს, ჯანდაცვის სპეციალისტებს ასევე სხვა სპეციალისტებსაც ექნებათთ შესაძლებლობა უნიკალური საექსპერიმენტო ბაზაზე საფუძველი იმისა, რომ მეცნიერება კვლავ აღორძინდეს“, - აღნიშნა ბიძინა ივანიშვილმა.

საქართველოს ტექნოლოგიური ინსტიტუტის დამფუძნებელი საქართველოს მთავრობაა.  პროექტს ფონდი “ქართუ”აფინანსებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა