„ეროვნული ფორუმი“ შესაძლოა შაბათს დაგეგმილ აქციას შეუერთდეს, რომელსაც „თავისუფალი დემოკრატები“ საქართველოს მთავარ პროკურატურასთან გამართავს.

„ფორუმი“ პრეზიდენტს მიმართავს, რომ ე.წ. კაბელების საქმეზე დაკავებული პირები შეიწყალოს. შეუერთდება თუ არა „დემოკრატების“ აქციას „ფორუმი“ ამას პრეზიდენტის შეფასების შემდეგ გადაწყვეტენ.

როგორც პარტიის „ერთ-ერთმა“ ლიდერმა ანი მიროტაძემ „ექსპრესნიუსს“ თემის კომენტირებისას განუცხადა შექმნილი ვითარებიდან გამომდინარე გამოსავალი მსჯავრდებულების შეწყალებაა, რათა ვითარება კიდევ არ დაიძაბოს. მისივე შეფასებით, საქმეში პოლიტიკური ნიშნები აშკარაა.

„ეროვნული ფორუმი“ ელოდება პასუხს პრეზიდენტისგან. ჩვენი განცხადება იმას გულისხმობს, თუ რა დამოკიდებულება გვაქვს ამ საქმესთან და სად ვხედავთ გამოსავალს, იმისათვის რათა ეს საქმე პოლიტიკის შემადგენელი ნაწილი არ გახდეს მოახლოებული არჩევნების ფონზე.

ახლა ჩვენ ჯერ ველოდებით პრეზიდენტს თუ რა გადაწყვეტილებას მიიღებს. დაველოდებით მას და შემდეგ უკვე სხვა გზებზე ვიფიქრებთ. მკაფიოდ ვაცხადებთ, რომ სოლიდარულები ვართ თავდაცვის სამინისტროს დაკავებული მაღალჩინოსნების მიმართ. პროკურატურის მტკიცებულებები მყარი და არგუმენტირებული არ არის. ამ ვითარებაში ყველაზე სწორად მიგვაჩნია, რომ პრეზიდენტმა მიიღოს გადაწყვეტილება - შეიწყალებს თუ არა მსჯავრდებულებს“, - აღნიშნა ანი მიროტაძემ.

დეპუტატი აქვე დასძენს, რომ საქმის პოლიტიზირების ნიშნები ჩანს. მისივე თქმით, პრეზიდენტის შეფასება საორიენტაციოდ გამოადგებათ - შეუერთდებიან თუ არა აქციას.

„რა თქმა უნდა ჩანს, რომ საქმე პოლიტიკის ნაწილი ხდება. იმისათვის რომ კიდევ უფრო არ დაიძაბოს ვითარება საჭიროა პრეზიდენტის გადაწყვეტილება. მას შეუძლია გამოიყენოს საკუთარი დისკრეცია და მიიღოს შესაბამისი გადაწყვეტილება.

პრეზიდენტმა შესაძლოა ამ ორ დღეში არ მიიღოს გადაწყვეტილება, მაგრამ პრეზიდენტი გააკეთებს განცხადებას, რომელიც საორიენტაციოდ გამოგვადგება როგორ მოვიქცეთ. ამ შეფასების შემდეგ გადავწყვეტთ გავალთ თუ არა აქციაზე. გუშინ მან გააკეთა შეფასება, მაგრამ დღეს ჩვენ მკაფიო გზავნილი გავაჟღერეთ, შესაბამისად ველოდებით მის განცხადებას“, - განმარტავს დეპუტატი.

ანი მიროტაძე აცხადებს, რომ ამ საქმეს მაშინაც აპროტესტებდნენ, როდესაც საპარლამენტო უმრავლესობაში იყვნენ.

„ჩვენ ვიყავით იმ ადამიანებს შორის, რომელთაც ორივე თავდებობაზე მოაწერეს  ხელი, რათა ეს ბიჭები ციხიდან გამოეშვათ. ფრაქცია „ეროვნული ფორუმის“ ექვსივე წევრი ჩაუდგა მათ თავდებში. შეგიძლიათ გადაამოწმოთ ეს ინფორმაცია. თუ გაინტერესებთ იყო თუ არა ეს საქმე მნიშვნელოვანი ჩვენთვის, გიპასუხებთ, რომ დიახ. ჩვენ ვიყავით ჩართულები იმ დონეზე რაც საჭირო იყო“, - განუცხადა „ექსპრესნიუსს“ ანი მიროტაძემ.

შეგახსენებთ, რომ თბილისის საქალაქო სასამართლომ ე.წ. კაბელების საქმეზე ბრადებულებს 7-7 წლიანი პატიმრობა შეუფარდა. ე.წ. კაბელების საქმეზე ხუთი ბრალდებულია - ნუგზარ კაიშაური, დავით წიფურია, არჩილ ალავიძე, გიორგი ლობჟანიძე და გიზო ღლონტი.

გამოძიება მათ თანხების გაფლანგვას ედავება. ხუთივე ბრალდებული გირაოს სანაცვლოდ იყო გათავისუფლებული. ცნობისთვის, საქმის სასამართლო განხილვა 11 მაისს დასრულდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა