ყაზახური ტვირთების გადაზიდვებზე შეღავათიანი ტარიფები იმოქმედებს

2016-05-18 12:09:16, 898 ნახვა

ეკონომიკა

"საქართველოს რკინიგზის“ გენერალური დირექტორი მამუკა ბახტაძე ელის, რომ ყაზახური წარმოშობის ტვირთების გადაზიდვა იმ დერეფანში, რომელიც საქართველოზე გაივლის, გაიზრდება.

ამის შესახებ ბახტაძემ ჟურნალისტის კითხვაზე საპასუხოდ განაცხადა.

მედიის წარმომადგენელი დაინტერესდა, შეღავათიანი ტარიფები, რომელიც 1 ივნისიდან ამოქმედდება, დერეფანში ყაზახურ ტვირთებს გაზრდის თუ არა.

„ტვირთების სახეობებზე გუშინ ხელმოწერილი ხელშეკრულება ითვალისწინებს შეღავათიან ტარიფებს ყაზახური წარმოშობის მუქ ნავთობპროდუქტებზე და ყაზახურ ხორბალზე. მნიშვნელოვანი მოლოდინი გვაქვს, რომ წლის მეორე ნახევრიდან დაიწყებენ აღნიშნული ტვირთის გადაზიდვას როგორც ბათუმის, ისე ფოთის მიმართულებით“ - განაცხადა მამუკა ბახტაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან