2016-05-09 15:06:29, 547 ნახვა

---

სესიაშვილი: პოზიცია, რომ საქართველოს ნატო-ში არავინ მიიღებს, თუ აფხაზეთსა და სამხრეთ ოსეთზე უარს არ იტყვის, არასოდეს გაჟღერებულა

"სრული პასუხისმგებლობით ვამბობ, არასოდეს  ასეთი პოზიცია, რომ  საქართველოს ალიანსში არავინ მიიღებს, თუ  აფხაზეთსა და სამხრეთ ოსეთზე უარს არ იტყვის,  არ გაჟღერებულა და ვერც გაჟღერდება", - ამის შესახებ პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა  დეპუტატ თამაზ მეჭიაურის განცხადების კომენტირებისას აღნიშნა.

სესიაშვილის მტკიცებით, ხსენებულიპირობა, რომელიც მიუღებელია როგორც საქართველოს მთავრობისთვის, ისე ნატო-სთვის,  დისკუსიას არ ექვემდებარება:

"სრული პასუხისმგებლობით ვამბობ, არასოდეს  ასეთი პოზიცია არ გაჟღერებულა, და ვერც გაჟღერდება. ვერ ნახავთ თქვენ იმედი მაქვს საქართველოს  პოლიტიკურ ცხოვრებაში დღევანდელში, თუ მომავალში ვერც ერთ იმ ძალას, რომელიც ასეთ  პოზიციას მხარს დაუჭერდა. ასე რომ, ეს არის საკითხი,  რომელიც მიუღებელია როგორც ჩვენთვის, ისე ნატოსთვის, დისკუსიას არ ექვემდებარება", - განუცხადა ირაკლი სესიაშვილმა "ექსპრესნიუსს".

შეგახსენებთ,  "ქართული ოცნების" დეპუტატმა თამაზ მეჭიაურმა განაცხადა, რომ დღევანდელი მოცემულობით, საქართველოს ნატო-ში გაწევრიანებას მხარს არ უჭერს. კერძოდ, მეჭიაურის განმარტებით, საქართველოს ალიანსში არავინ მიიღებს, თუ აფხაზეთსა და სამხრეთ ოსეთზე უარს არ იტყვის.

კითხვაზე, ვინ ითხოვს მსგავს გადაწყვეტილებას საქართველოსგან, მეჭიაური პასუხობს, რომ  „ამას ყველა ამბობს“.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი