სოფლის მეურნეობის მინისტრს, ოთარ დანელიას საქართველოში ევროკავშირის ელჩმა, იანოშ ჰერმანმა ევროკავშირის წარმომადგენლობის სოფლის მეურნეობის ახალი ატაშე, ქრისტინა კასელა წარუდგინა.

როგორც „ექსპრესნიუსს“ სოფლის მეურნეობის სამინისტროდან აცნობეს, სოფლის მეურნეობის სამინისტროში გამართულ შეხვედრაზე მინისტრმა სახელმწიფოსთვის აგრარული დარგის პრიორიტეტულობის საკითხზე, სამინისტროს მიერ განხორციელებულ და დაგეგმილ პროგრამებზე ისაუბრა და ყურადღება სოფლის მეურნეობის განვითარების სტრატეგია 2015-2020 წლებზე გაამახვილა.

უწყების ინფორმაციით, მინისტრმა დეტალურად ისაუბრა ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ  შეთანხმების (DCFTA) მნიშვნელობისა და აღნიშნული შეთანხმების ფარგლებში ნაკისრი ვალდებულებების შესრულების მიმდინარეობის საკითხებზე.

„ENPARD 1-ის (ევროპის სამეზობლო პროგრამა სოფლისა და სოფლის მეურნეობის განვითარებისთვის) ფარგლებში ევროკავშირის მიერ 52 მლნ ევრო გამოიყო, რომელიც სოფლის მეურნეობის დარგის განვითარებას მოხმარდა. სახელმწიფოს ძალისხმევითა და პარტნიორ ორგანიზაციებთან აქტიური თანამშრომლობით, შესრულდა ნაკისრი ვალდებულებები, რასაც  ENPARD 2 ფაზის დაწყება მოჰყვა, რაც დარგში დამატებით 50 მლნ ევროს კონტრიბუციას გულისხმობს. ყოველივე ზემოაღნიშნულისთვის, მადლობა მინდა გადავუხადო საქართველოში ევროკავშირის წარმომადგენლობას  და წევრი ქვეყნის მთავრობებს“, - განაცხადა ოთარ დანელიამ.

როგორც ევროკავშირის ელჩმა, იანოშ ჰერმანმა შეხვედრაზე აღნიშნა, ევროკავშირი მხარს უჭერს საქართველოში სოფლის მეურნეობის დარგის თანმიმდევრულ განვითარებას. ელჩის განცხადებით, ევროკავშირი გამოთქვამს მზადყოფნას, აქტიური მონაწილეობა მიიღოს საინფორმაციო კამპანიის წარმოებაში, რათა თითოეულ გლეხთან და ფერმერთან მიტანილ იქნეს იმ სიკეთეების შესახებ, რასაც ასოცირების შესახებ შეთანხმება მოუტანს საქართველოს.

შეხვედრას მინისტრის პირველი მოადგილე ნოდარ კერესელიძე და საერთაშორისო ურთიერთობების დეპარტამენტის ხელმძღვანელი ხატია წილოსანი ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო