საქართველოს ეროვნული ბანკის პრეზიდენტი კობა გვენეტაძე ამ ეტაპზე ცენტრალური ბანკისგან საფინანსო ზედამხედველობის სააგენტოს გამოყოფის საჭიროებას ვერ ხედავს.

ამის შესახებ გვენეტაძემ მონეტარული პოლიტიკის კომიტეტის სხდომის შემდეგ გამართულ პრესკონფერენციაზე განაცხადა.

”მოდელი ფინანსური ზედამხედველობისა არის სხვადასხვა. არიან ქვეყნები, სადაც ეს ფუნქცია ეროვნულ ბანკთანაა და არის ეროვნული ბანკის გარეშე. საბოლოოდ, ალბათ, ის მოდელია კარგი, რომელიც კარგად მუშაობს და რომელიც ქვეყანაში ფინანსურ სტაბილურობას უზრუნველყოფს. ვფიქრობ და იგივე განვაცხადე პარლამენტში საკომიტეტო განხილვებისას, რომ ამ ეტაპზე საქართველოში არ არის საჭიროება, რომ ფინანსური ზედამხედველობა ცენტრალური ბანკისგან გამოყოფილი იყოს. ალბათ, ეს უფრო განსაკუთრებით რელევანტური იყო გასულ წელს, როდესაც ქვეყანაში დიდი შოკი მიდოდა ლარის კურსის გაუფასურების თვალსაზრისით, რასაც შესაძლოა, გავლენა ჰქონოდა საბანკო პორტფელის ხარისხზე”, - განაცხადა გვენეტაძემ.

ცნობისთვის, გასულ წელს პარლამენტმა ეროვნული ბანკისგან საფინანსო ზედამხედველობის ფუნქციის გამოყოფისა და მის ცაკლე სააგენტოდ ჩამოყალიბების გადაწყვეტილება მიიღო, თუმცა სააგენტოს მუშაობა შეჩერდა მანამდე, სანამ აღნიშნულ საქმეზე საკონსტიტუციო სასამართლო საბოლოო გადაწყვეტილებას გამოიტანს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“