საქართველომ და ბოსნია და ჰერცეგოვინამ სამომავლო თანამშრომლობის სურვილი გამოთქვეს. ქვეყნებს შორის სამომავლო ურთიერთობების შესახებ დღეს საქართველოს თავდაცვის მინისტრმა თინათინ ხიდაშელმა და ბოსნია და ჰერცოგოვინას საგარეო საქმეთა მინისტრმა იგორ ცრნადაკმა ორმხრივ შეხვედრაზე ისაუბრეს.

სლოვაკეთში მიმდინარე გლობალური უსაფრთხოების ფორუმის ფარგლებში გამართულ შეხვედრაზე აღინიშნა, რომ საერთაშორისო არენაზე საქართველოს და ბოსნია და ჰერცეგოვინას საერთო მისწრაფებები გააჩნია. მინისტრებმა ქვეყნებში მიმდინარე პროცესებზე ერთმანეთს ინფორმაცია გაუცვალეს. თინათინ ხიდაშელმა ბოსნია და ჰერცეგოვინას პირველ დიპლომატს თავდაცვის სფეროში საქართველოს საწვრთნელი ცენტრებისა და სხვა შესაძლებლობების გამოყენება შესთავაზა.

„ძალიან კარგი შეხვედრა გვქონდა. მნიშვნელოვანია, რომ საფუძველი ეყრება საქართველოსა და ბოსნია და ჰერცეგოვინას შორის ურთიერთობის განვითარებას. ჩვენს ეს პოლიტიკური ფორმატი კონკრეტული თანამშრომლობის დასაწყებად უნდა გამოვიყენოთ. მჯერა, რომ თბილისში, მაისში დაგეგმილი კონფერენცია ძალიან კარგ შესაძლებლობას მოგვცემს ჩემს კოლეგასთან და ქართველ ოფიციალურ პირებთან ერთად თანამშრომლობის სამომავლო გეგმები დავსახოთ,“ - აღნიშნა იგორ ცრნადაკმა თინათინ ხიდაშელთან შეხვედრის დასრულების შემდეგ.

ბოსნია და ჰერცოგოვინას საგარეო საქმეთა მინისტრი თავდაცვისა და უსაფრთხოების კონფერენციაში მონაწილეობის მისაღებად საქართველოში მაისის ბოლოს ჩამოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასამართლომ გიგა ავალიანის საქმეზე ბრალდებულები დამნაშავედ ცნო, სასჯელს 2 ივნისს გამოცხადდება

15 წლის მოზარდი, რომელსაც თბილისში ეძებდნენ, გარდაცვლილი იპოვეს

უკრაინამ სევასტოპოლსა და რუსეთის რამდენიმე რეგიონზე სარაკეტო და დრონებით იერიში მიიტანა

ვიდეოს გავრცელების შემდეგ, პროკურატურამ პოლიციელთა სავარაუდო ძალადობაზე გამოძიება დაიწყო