2016-04-12 15:48:50, 312 ნახვა

---

ზალკალიანი ე.წ. სამხრეთ ოსეთის რეფერენდუმზე: ქვეყნის ფაქტოპბრივი ანექსიის გაგრძელების მცდელობა უნდა აღიკვეთოს

მოვუწოდებთ საერთაშორისო თანამეგობრობას, აღიკვეთოს ქვეყნის ფაქტოპბრივი ანექსიის გაგრძელების მცდელობა, - ამის შესახებ საქართველოს საგარეო საქმეთა მინისტრის მოადგილემ, დავით ზალკალიანმა განაცხადა.

როგორც მინისტრის მოადგილემ აღნიშნა, ოკუპირებულ სამხრეთ ოსეთში დაგეგმილ ე.წ. რეფერენდუმს არანაირი სამართლებრივი და იურიდიული ძალა არ ექნება.

"ეს არის პროვოკაციული მცდელობა, რომ გავლენა მოახდინონ საქართველოში მიმდინარე პოლიტიკურ პროცესებზე. ეს არის ასევე მცდელობა მცოცავი ანექსიის გაგრძელების და ჩვენი რეაქცია იქნება ის, რომ მოვუწოდებთ საერთაშორისო თანამეგობრობას, რომ აღიკვეთოს ქვეყნის ფაქტოპბრივი ანექსიის გაგრძელების მცდელობა", - განაცხადა ზალკალიანმა.

მისივე თქმით, ოკუპირებულ სამხრეთ ოსეთში რეფერენდუმის შესაძლო ჩატარებასთან დაკავშირებით ჟენევის თანათავმჯდომარეები უკვე ინფორმირებულები არიან და მათთან აქტიური კომინიკაციაა დაგეგმილი.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი