სახელმწიფო უსაფრთხოების სამსახურის  უფროსის მოადგილის ლევან იზორიას განცხადებით, თსუ-ს კანცლერის თანაშემწე როგორც ე.წ. ოდეერი, სუს-ში 2015 წლის აგვისტომდე ირიცხებოდა.

ამის შესახებ იზორიამ  პარლამენტში გაერთიანებული კომიტეტის სხდომაზე განაცხადა.

იზორიას თქმით, თსუ-ში ის მივლენილი არ ყოფილა, როგორც უსაფრთხოების სამსახურის წარმომადგენელი.

„2015 წლამდე ე.წ. ოდეერის ინსტიტუტი არსებობდა, მათ შორის საგანმანათლებლო დაწესებულებებში, მაგრამ 2015 წლის შემდეგ, მინდა მთელი პასუხისმგებლობით გითხრათ, რომ ეს ინსტიტუტი აღარ არსებობს.

იმ კონკრეტულ პიროვნებაზე (გიორგი გაფრინდაშვილი), ვისზეც ითქვა, რომ თსუ-ში ის აგრძელებს მოღვაწეობას, როგორც ე.წ. ოდეერი არასწორია. ის, როგორც ოდერი ირიცხებოდა ჩვენს შტატში 2015 წლის აგვისტომდე, მაგრამ ამის შემდეგ, ის ასრულებს ფუნქციას, რომელიც დაკავშირებულია კანცლერის თანაშემწის უფლებამოსილებებს,რაც უნივერსიტეტის პრეროგატივაა“, - განაცხადა ლევან იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სოფელ წინაკვერკვეში მეწყრული პროცესები ვითარდება

ზელენსკი: მივიღეთ ცნობები, რომ რუსეთი ჩვენ წინააღმდეგ ორეშნიკის გამოყენებისთვის ემზადება

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება