სადაც რუსეთი მოდის ან მისი გავლენა იზრდება ან ომი, ნგრევა და სიკვდილია - ამ ფონზე კი, „ქოცები“ გვიყვებიან ზღაპარს „მშვიდობასა“ და „ნეიტრალიტეტზე“! - ამის შესახებ „სტრატეგია აღმაშენებლის“ ერთ-ერთმა ლიდერმა პაატა მანჯგალაძემ განაცხადა.

მანჯგალაძის თქმით, „რუსი და მშვიდობა“ იგივეა, რაც „ვეგანი მგელი“.

„რუსეთის „პარტნიორობა“ მხოლოდ ერთ რამეს ნიშნავს - ან ომს ან ღალატს ან ორივეს ერთად.

მაგალითები ყველამ ვიცით: სომხეთი - სამჯერ სთხოვა სამხედრო დახმარება. სამჯერვე კრემლმა უყურა და გაჩუმდა.

სირია - ასადის რეჟიმი დაიცვეს?

ირანი - სტრატეგიული პარტნიორია, რუსეთს დრონებს აწვდიდა. ახლა ირანი იბომბება, კრემლი უყურებს!

„რუსი და მშვიდობა“ - ეს აბსურდია ისე, როგორც ვეგანი მგელი და ვინც ამას ვერ ხედავს, ან თავს ისულელებს, ან უკვე გაყიდა თავისუფლება და სინდისი ვერცხლზე.

ერთი კითხვა ყველა პროპაგანდისტს: დაასახელეთ ერთი ქვეყანა, სადაც რუსეთი შევიდა და მშვიდობა დამყარდა. ბოლო ათწლეულების ისტორიამ დაადასტურა, რომ მეტი ევროპა ნიშნავს მეტ მშვიდობას, დაცულობას და ცხოვრების საუკეთესო პირობებს. ამიტომ არის საქართველოს არჩევანი ევროპა და არა რუსული ჭაობი”, - განაცხადა პაატა მანჯგალაძემ.

ავტორი: ექსპრესნიუსი,

სოციალური ქსელები

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო