თეა წულუკიანს ვითომ იურისტად მოაქვს თავი და არალეგიტიმურად, კანონგარეშედ იქცევა, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ დღევანდელ პროცესზე განაცხადა.

მისი განმარტებით, თუ თეა წულუკიანი მას პარლამენტის დროებითი საგამოძიებო კომისიის მოთხოვნის შეუსრულებლობას ედავება, სჯობდა კითხვები თავად წულუკიანს დაესვა.

„სწორედ აქედან გამომდინარეობს თავიდან ბოლომდე ამ საქმის შინაარსი. თუ მას ჩემთან აქვს კითხვები, უნდა მოსულიყო აქ და ეს საკითხი დაესვა. ის თავს არიდებს აქ მოსვლას. სამწუხაროდ თქვენც, ქალბატონი ნინო [მოსამართლე] ხელი შეუწყვეთ იმას, რომ თეა წულუკიანი აქ არ მოსულიყო იმიტომ, რომ ის მედავება მე. მისი წერილის საფუძველზეა საქმე აღძრული. როგორ შეიძლება რომ აქ არ მოსულიყო? ზუსტად ამას ვამბობ, რომ მას არ აქვს საზოგადოებისთვის გასაცემი პასუხები“,- განაცხადა ვაშაძემ.

მისი შეფასებით, საქმესთან დაკავშირებით მისი დაბარება პოლიტიკურად მოტივირებულია.

„ეს არ არის მხოლოდ ფორმალობასთან დაკავშირებული საქმე. ეს არის ზუსტად ის შინაარსი, რითაც მინდა დავასაბუთო, რომ განზრახვა ამ დაჯგუფების, რომელიც საკუთარ თავს „საგამოძიებო კომისიას“ ეძახის, პოლიტიკური იყო. არაფერი შემხებლობა ამას სამართალთან და კანონთან არ ჰქონდა. თუ რამე კითხვები შეიძლება ჰქონოდათ მათ, აქაც შეეძლოთ ამ კითხვებზე პასუხი მოესმინათ. მე ვუთხარი, მობრძანდით რუსთაველზე - მეთქი, იქაც შეგვეძლო გვესაუბრა იმიტომ, რომ ჩემი ე.წ. დაბარების საკითხი ჩემს საქმიანობას ეხებოდა. ამიტომ, ჩვენ არ ვიხილავთ მხოლოდ ბრალის ფორმალურ ნაწილს, ჩვენ ვიხილავთ ზოგადად, მთლიანად შინაარს, თუ რატომ ხდება ეს ყველაფერი, რატომ ვარ მე აქ სასამართლოში. რატომ იყენებენ პროკურატურას პოლიტიკური მართლმსაჯულებისთვის“,-განაცხადა ვაშაძემ.

ავტორი: ექსპრესნიუსი,

სოციალური ქსელები

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო