შინაგან საქმეთა მინისტრი გიორგი მღებრიშვილი ისრაელის სახელმწიფოს ელჩს საქართველოში იუვალ ფუქსს შეხვდა.

შეხვედრაზე მინისტრმა ელჩს შინაგან საქმეთა სამინისტროში მიმდინარე რეფორმები და ახალი ინიციატივები გააცნო.

შსს-ს ცნობით, მხარეებმა საქართველოსა და ისრაელს შორის სამართალდაცვით სფეროში არსებული თანამშრომლობა და ურთიერთობის გაღრმავების შესაძლებლობები განიხილეს.

საუბარი ასევე შეეხო „საქართველოს მთავრობასა და ისრაელის სახელმწიფოს მთავრობას შორის დანაშაულის წინააღმდეგ ბრძოლისა და საჯარო უსაფრთხოების საკითხებში თანამშრომლობის შესახებ“ შეთანხმების საფუძველზე შექმნილ სამუშაო ჯგუფს და ამ მიმართულებით დაგეგმილ ღონისძიებებს.

შეხვედრაზე გიორგი მღებრიშვილმა ხაზი გაუსვა საქართველოს შინაგან საქმეთა სამინისტროს შესაძლებლობების განვითარებაში ისრაელის მხარდაჭერის მნიშვნელობას, ასევე, სამინისტროს რეფორმირების პროცესში ისრაელის პოლიციისა და საზოგადოებრივი უსაფრთხოების სამინისტროს მნიშვნელოვან როლს.

ისრაელის სახელმწიფოს ელჩმა გიორგი მღებრიშვილს ისრაელის საზოგადოებრივი უსაფრთხოების მინისტრის, გოლად ერდანის წერილი პირადად გადასცა და მისი სახელით, საქართველოს შს მინისტრი ისრაელში ოფიციალური ვიზიტით მიიწვია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის

უკრაინის საგარეო საქმეთა მინისტრმა ეუთოს საგანგებო შეხვედრაზე საქართველოს მხარდაჭერისთვის მადლობა გადაუხადა.