2016-03-15 20:24:30, 546 ნახვა

---

თვითმმართველობის მხარდამჭერები: შენობაში შესვლის მოთხოვნით სამართალდამცავებს მივმართეთ, რაც დააკმაყოფილეს

ცნობილი გახდა, რომ თბილისის სახელმწიფო უნივერსიტეტში არა მარტო თსუ-ს სტუდენტები შევიდნენ, არამედ- სხვადასხვა უნივერსიტეტების თვითმმართველობების წარმომადგენლებიც.

როგორც " ექსპრესნიუსის" კორესპონდენტი ადგილიდან იუწყება,მათ შორის შენობაში იმყოფება საქართველოს ტექნიკური უნივერსიტეტის თვითმმართველობის პრეზიდენტი ავთანდილ ადეიშვილი და ილიას სახელმწიფო უნივერსიტეტის თვითმმართველობის პრეზიდენტი თორნიკე ჩიქოვანი.

შემოსული სტუდენტების განცხადებით, მათ სამართალდამცველებს შენობაში შესვლის თაობაზე განცხადებით მიმართეს, რაც დაუკმაყოფილეს. ამიტომ ისინი მიიჩნევენ, რომ შენობაში ლეგალურად შემოვიდნენ.

 

ილიაუნის თვითმმართველობის პრეზიდენტის თორნიკე ჩიქოვანის ინფორმაციით, თვითმმართველობის წარმომადგენლები და მათი მხარდამჭერები მზად არიან, მეორე სტუდენტური ჯგუფის წევრებს შეხვდნენ, თუკი მათი მხრიდან ამის სურვილი იქნება.

აღსანიშნავია ის ფაქტი, რომ შენობაში თვითმმართველობის წევრებს უკანა შესასვლელიდან იმ აქციის რამდენიმე სტუდენტი შეყვა, რომელთა მოთხოვნა რექტორ ვლადიმერ პაპავას გადაყენება არაა და უნივერსიტეტში ე.წ. ოდეერების ინსტიტუტის გაუქმება და სისტემური ცვლილებები სურთ. მათი თქმით, თვითმმართველობის მხარდამჭერებს შორის გაერიენ და შენობაში უპრობლემოდ შევიდნენ მაშინ, როცა მეორე სტუდენტური ჯგუფის წარმომადგენლებს თსუ- ში არ უშვებენ. მათივე განმარტებით, სიცრუეა, რომ თვითმმართველობის მხარდამჭერები შენობაში განცხადების საფუძველზე შევიდნენ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი