არც ერთმა ქართველმა არ უნდა დაუშვას, რომ ივანიშვილის შანტაჟმა საქართველო დაუცველი და მარტო დატოვოს! არ ავყვეთ რუსულ პროპაგანდას! დღეს, 20:00, ვიკრიბებით მარჯანიშვილის მოედანზე. არა ივანიშვილის მოძალადე რეჟიმს! ჩვენი გზა ევროპაშია!- ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

ოპოზიციონერი პოლიტიკოსი მოქალაქეებს დღეს დაგეგმილ აქციაზე მისვლისკენ მოუწოდებს.

„ვისი გზა არის დაცული და უსაფრთხო? – ჩვენი, ვისაც საქართველოს ევროკავშირისკენ მივყავართ, თუ ივანიშვილის, ვინც ბლოკავს საქართველოს ევროპულ მომავალს და ქვეყანას მარტო ტოვებს, მოკავშირეების გარეშე? „ქართული ოცნება" რუსული შანტაჟის იარაღია!

ჩვენ ვართ ეროვნული ძალა, ვისაც საქართველო ევროპისკენ მიჰყავს – რაც მოიტანს დაცულობას რადგან მეტი ევროპა უდრის მეტ უსაფრთხოებას! ივანიშვილმა გაყალბებული არჩევნებით დაბლოკა ჩვენი გზა ევროპისკენ და საქართველო დაუცველად დატოვა – იზოლაციაში, მარტოდ, საფრთხის წინაშე!

ჩვენ ვქმნით რეალურ დაცულობას, რადგან მეტი ევროპა ნიშნავს მეტ უსაფრთხოებას, მეტ კეთილდღეობას და მეტ თავისუფლებას!

„ქოცებს“ მოაქვთ მხოლოდ იზოლაცია, სიღარიბე, ძალადობა და მეტი საფრთხე – რადგან რუსეთი მხოლოდ სუსტებს და დაუცველებს ესხმის თავს! ისინი შიშს თესავენ და ქართველ ხალხს ძარცვავენ, ჩვენ კი ვიცით, როგორ მოდის დაცულობა, უსაფრთხოება, მეტი ინვესტიციები და ახალი სამუშაო ადგილები ევროკავშირთან სიახლოვით.

არც ერთმა ქართველმა არ უნდა დაუშვას, რომ ივანიშვილის შანტაჟმა საქართველო დაუცველი და მარტო დატოვოს!

არ ავყვეთ რუსულ პროპაგანდას! ვისი გზაა უსაფრთხო? – ჩვენი, ვინც ევროპისკენ მივდივართ!

ვისი გზაა საფრთხის მომტანი? – ივანიშვილის, ვინც ბლოკავს საქართველოს ევროპულ მომავალს და რუსულ ჭაობში ტოვებს!

დღეს, 20:00 საათზე, ვიკრიბებით მარჯანიშვილის მოედანზე. არა ივანიშვილის მოძალადე რეჟიმს! ჩვენი გზა ევროპაშია!“, - აცხადებს გიორგი ვაშაძე.

ავტორი: ექსპრესნიუსი,

სოციალური ქსელები

მსოფლიოში გადაადგილებისთვის საუკეთესო ქვეყნების რეიტინგი შედგა: ევროპა ლიდერობს

იზმირში ხალხს პოლიციამ ოპოზიციის ლიდერის მოსმენის უფლება არ მისცა და წყლის ჭავლით დაშალა

CENTCOM: აშშ-ის საზღვაო ძალებმა ბლოკადის დაწყებიდან, ირანთან დაკავშირებული 108 გემი ჩაკეტეს

გუტერეში: მსოფლიოში დაახლოებით 800 მილიონი ადამიანი კვლავ უკიდურეს სიღარიბეში ცხოვრობს