0+0 კვლავაც 0-ია - სალომე ზურაბიშვილი და რადიკალური ოპოზიცია ერთად ისეთივე ნულია, როგორც ცალ-ცალკე - მათი გეგმა არის გეგმის არარსებობა, უცხოეთიდან მიღებული დავალებები და ხალხის მოტყუება, - ამის შესახებ საპროცედურო საკითხთა და წესების კომიტეტის თავმჯდომარე დავით მათიკაშვილმა ჟურნალისტებთან ოპოზიციის გეგმაზე საუბრისას განაცხადა.

მისი თქმით, თუ ოპოზიციას „დავალების მიმცემი პირი“ პირდაპირ დაავალებს, რომ თვითმმართველობის არჩევნებში მიიღოს მონაწილეობა, ასეც მოიქცევა.

„სალომე ზურაბიშვილის პოლიტიკური მომავალი დიდი ხანია აღარ არსებობს და დიდი ხანია მას ისევე როგორც დანარჩენ რადიკალურ ოპოზიციას, პულსი აღარ ესინჯება. 0+0 კვლავაც 0-ია - სალომე ზურაბიშვილი და რადიკალური ოპოზიცია ერთად ისეთივე ნულია, როგორც ცალ-ცალკე. მათი გეგმა არის გეგმის არარსებობა, უცხოეთიდან მიღებული დავალებები და ხალხის მოტყუება. როდესაც ხალხი ვერ მოატყუეს, ამავდროულად ამ დავალებების ჭრილშიც გარკვეულ დეფიციტს განიცდიან, ისინი აწყდებიან კედლებს, ვერ გამოაქვთ დასკვნები საკუთარი ქმედებებიდანაც და ვერ პოულობენ იმ გზას, რომელიც რადიკალებს რაიმე ფორმით საქართველოში წარმატებას მიაღწევინებს. შესაბამისად, ეს ყველაფერი კარგად გამოჩნდება თვითმმართველობის არჩევნებზე. არ მიიღებენ მონაწილეობას - ესე იგი იმიტომ არ მიიღებენ, რომ მათ ეშინიათ საკუთარი რეიტინგის საზოგადოდ გაცხადება. ერთადერთ შემთხვევაში მიიღებენ მონაწილეობას, თუ ამ აგენტურას დავალების მიმცემი პირდაპირ დაავალებს, რომ არჩევნებში მიიღონ მონაწილეობა. მაგრამ შედეგი, ერთ შემთხვევაშიც და მეორეშიც არის ერთადერთი - საზოგადოების უნდობლობა და აქედან გამომდინარე ურეიტინგობა და მათი პოლიტიკურ სანაგვეზე ყოფნა“, - განაცხადა მათიკაშვილმა.

ავტორი: ექსპრესნიუსი,

სოციალური ქსელები

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო

თიბისი კონცეპტი წარმოგიდგენთ თბილისის საერთაშორისო თეატრალურ ფესტივალს

კალაძე: ორი წლის წინ რეაბილიტირებულ მეტროსადგურ „ავლაბარში“ წყალი ისე ჩადიოდა, როგორც გარეთ, შეისწავლეთ საკითხი

Washington Post: აშშ-ს ყოფილი მოკავშირე საქართველო ირანის ორბიტაზე ექცევა