ჰააგაში მომხდარ თავდასხმასთან დაკავშირებით, მიშა ანდღულაძემ თბილისის პროკურატურაში საჩივარი შეიტანა. 

იუმორისტი დაზარალებულად ცნობასა და დაცვის დანიშვნას ითხოვს და ამბობს, რომ ბულინგი და მუქარები სოციალურ ქსელში მისი მისამართით ამ დრომდე გრძელდება.

,,ატვირთულ ვიდეოში ჩანს, რომ მე იმიტომ დამესხნენ თავს, რომ თურმე ქართული ოცნების მხარდამჭერებს ვუწოდე რუსები, რაც აბსოლუტური ტყუილია. ეს უკვე ჩემი სიცოცხლის საკითხს ეხება. საჩივარში მოვითხოვთ, რომ მე მცნონ დაზარალებულად და დამინიშნონ დაცვა, იმიტომ, რომ მე არ მაქვს საშუალება დაცვით ვიარო. გამოდის, რომ არათუ საკუთარ ქვეყანაში, საზღვარგარეთაც არ ვარ დაცული. გამოცხადებული სიკვდილის ქრონიკას ჰგავს, რომ ყველა თითქოს მომართულია, რომ თურმე დამაკლდა და კიდევ უფრო მეტი უნდა ყოფილიყო. გამოვიდა, რომ კმაყოფილები არ დარჩნენ ადამიანები. შემზადება მიდის, რომ თითქოს უნდა მოხდეს რაღაცა ფატალური და სანამ ფატალური მოხდება იქამდე თუ არ ვუშველეთ, ეს ჯოჯოხეთია. ძალადობაში შეჯიბრის სტატისტიკაში აღმოვჩნდი, როგორც ჩანს. კომედიანტს, რომ ხუმრობის გამო თავს ესხმიან, რაღაზე უნდა ვილაპარაკოთ მაშინ" - ამბობს ანდღულაძე. [ტვ პირველი]

ავტორი: ექსპრესნიუსი,

სოციალური ქსელები

სოფელ წინაკვერკვეში მეწყრული პროცესები ვითარდება

ზელენსკი: მივიღეთ ცნობები, რომ რუსეთი ჩვენ წინააღმდეგ ორეშნიკის გამოყენებისთვის ემზადება

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება