აშშ-ის გამოძიების ფედერალური ბიუროს (FBI) ახლად დანიშნულმა დირექტორმა, კაშ პატელმა აშშ-ის კონგრესს მოუწოდა, გამოიძიოს როგორ გამოიყენეს უკრაინაში გაგზავნილი ფინანსური დახმარება.

„ვთხოვე კონგრესს, გამოიძიოს, სად წავიდა ეს ფული. ამერიკელი ხალხი იმსახურებს ამ პასუხს, რადგან ეს ჩვენი ფულია. ეს არის ჩვენი გადასახადის გადამხდელების დოლარები", - აღნიშნა პატელმა.

მან ასევე გააკრიტიკა დახმარების ის რაოდენობა, რომელიც შეერთებულმა შტატებმა უკრაინაში გაგზავნა.

„საქმე არ არის აშშ-ს მიერ მილიარდი დოლარის გაგზავნაზე, არამედ იმაზე, რომ ერთ ქვეყანაში გაგზავნილი თანხა მილიარდზე ასჯერ მეტია“, - აღნიშნა პატელმა.

ამასთან, მისი თქმით, თუ ზელენსკი აპირებს კონგრესს მეტი ფული სთხოვოს, ის მზად უნდა იყოს უფრო მეტი სიფრთხილე გამოიჩინოს იმ განცხადებებთან მიმართებაში, რომელმაც, შეიძლება, აშშ რუსეთთან ომამდე მიიყვანოს.

ამასთან, პატელმა პრეზიდენტი ვოლოდიმირ ზელენსკი პოლონეთში სარაკეტო ინციდენტთან დაკავშირებით სიცრუის გავრცელებაში დაადანაშაულა.

„ზელენსკი მსოფლიო სცენაზე გამოვიდა და თქვა: „რუსეთმა რაკეტა გაუშვა პოლონეთში“, რაც, ფაქტობრივად, ომის აქტი იქნებოდა. აღმოჩნდა, რომ რუსეთმა ასეთი რაკეტა არ გაუშვა და რომ რაკეტა უკრაინიდან მოვიდა“, - განაცხადა პატელმა.

ავტორი: ექსპრესნიუსი,

სოციალური ქსელები

სერბეთის პრეზიდენტმა ვუჩიჩმა თანამდებობიდან შესაძლო გადადგომის შესახებ განაცხადა

თურქეთის პოლიციამ ოპოზიციური რესპუბლიკური სახალხო პარტიის შტაბ-ბინა შტურმით აიღო

WP: აშშ და ირანი შეთანხმდნენ ცეცხლის შეწყვეტის 60 დღით გახანგრძლივებაზე

აშშ-ის სახელმწიფო მდივანი მარკო რუბიო სომხეთში 26 მაისს ჩავა