ბაია გადაბაძეს არ აქვს ინფორმაცია აპირებს თუ არა "მაესტროს" რომელიმე ჟურნალისტი ლევან გაჩეჩილაძესთან შეხვედრაზე მისვლას.

"მაესტროს" უკვე ყოფილი დირექტორის თქმით, მისი მთავარი მიზანია, ტელევიზიამ სარედაქციო დამოუკიდებლობა შეინარჩუნოს.

"მიზანია, რომ "მაესტრომ" სარედაქციო დამოუკიდებლობა შეინარჩუნოს და მნიშვნელობა არ აქვს მე ამ მიზანს 100% თუ 99 % მხარდაჭერით მივაღწევ. ყველას წარმატებას ვუსურვებ თავის გზაზე, თუმცა არანაირი ინფორმაცია არცერთ ჟურნალისტზე, რომ აპირებდეს მისვლას მე პირადად არ მაქვს. რადგან მას მაინც მოუნდა ასეთი შპს-ს დირექტორობა, ეს მისი ნებაა. გაიგებს, რომ არ ეკუთვნის ლოგო და წარწერა, მერე მოგვიანებით ალბათ გაიგებს, რომ თანამშრომლებიც არ აპირებენ მასთან თანამშრომლობას და საბოლოოდ რის დირექტორი იქნება თვითონ გადაწყვეტს“, - განაცხადა ბაია გადაბაძემ.

შეგახსენებთ, "მაესტროს" ახალმა გენერალურმა დირექტორმა, ლევან გაჩეჩილაძემ, ტელეკომპანიის ჟურნალისტებს დღეს შეხვედრა საკუთარ სახლში შესთავაზა.

ამასთანავე ჟურნალისტებისთვის რამდენიმე წუთის წინ ცნობილი გახდა, რომ ლევან გაჩეჩილაძე დღეს შესაძლოა "მაესტროში" მივიდეს. იგი ტელევიზიაში, სავარაუდოდ, 5 საათისთვის მივა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ

სამართალდამცველებმა კერძო საბავშვო ბაღის აღმზრდელი არასრულწლოვნის მიმართ ჩადენილი ძალადობის ბრალდებით დააკავეს