C ჰეპატიტის ელიმინაციის პროგრამის ფარგლებში, შრომის ჯანმრთელობისა და სოციალური დაცვის სამინისტროსა და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ინიციატივით  დევნილებს  C ჰეპატიტის უფასო სკრინინგი ჩაუტარდათ.  

როგორც „ექსპრესნიუსს“ ლტოლვილთა და განსახლების სამინისტროდან აცნობეს,   სკრინინგი, დევნილებთან ერთად, მინისტრმა სოზარ სუბარმაც  გაიარა.    

მათივე ცნობით, სკრინინგი თბილისში, უნივერსიტეტის ქუჩა N6-ში, 136 დევნილი ოჯახისათვის  გადაცემული კორპუსის ტერიტორიაზე განლაგებულ მოძრავ ამბულატორიებში  ჩატარდა.

"უკვე შევთანხმდით, რომ კვირის ბოლოს უფასო სკრინინგს დავიწყებთ ზუგდიდში და მოვიცავთ მთელ დასავლეთ საქართველოს. ყველა დევნილს, კომპაქტურად ჩასახლებაში მცხოვრებს თუ ინდივიდუალურად განსახლებულს შეუძლია მოვიდეს და ყოველგვარი გადასახადის გარეშე სრულიად უფასოდ გაიკეთოს ანალიზები", - განაცხადა სოზარ სუბარმა.

ჯანდაცვის მინისტრის მოადგილემ ვალერი კვარაცხელიამ დევნილებს   C ჰეპატიტის ელიმინაციის პროგრამაში არსებული სიახლეები, პროგრამის მიმდინარეობის პირველადი შედეგები გააცნო და დაავადების დამარცხების პროცესში სკრინინგის მნიშვნელობის შესახებ ინფორმაცია მიაწოდა.

C ჰეპატიტის უფასო სკრინინგის აქციები 2015 წლიდან დაიწყო და უწყვეტ რეჟიმში გრძელდება, რაც დაავადების დროულ გამოვლენას, მკურნალობას და მის სრულ ელიმინაციას ემსახურება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ

სამართალდამცველებმა კერძო საბავშვო ბაღის აღმზრდელი არასრულწლოვნის მიმართ ჩადენილი ძალადობის ბრალდებით დააკავეს