რუსეთი მის მიერ ოკუპირებული და „დამოუკიდებელ რესპუბლიკად" აღიარებული ცხინვალის რეგიონისგან(ე.წ. სამხრეთ ოსეთის რესპუბლიკა) მოითხოვს გარდაცვლილი პენსიონერების ნათესავების მიერ მითვისებული საპენსიო თანხების დაბრუნებას.

რუსეთის სახელმწიფო სააგენტო „ტასის“ ცნობით, მთავრობამ სახელმწიფო დუმას რატიფიკაციისთვის წარუდგინა ოქმი, რომლის თანახმად, ცვლილება უნდა შევიდეს „სამხრეთ ოსეთთან რესპუბლიკის ტერიტორიაზე მუდმივად მცხოვრები რუსეთის მოქალაქეების საპენსიო უზრუნველყოფის შეთანხმებაში“.

ოკუპირებულ ცხინვალის რეგიონში მცხოვრებთა უმრავლესობას რუსეთის მოქალაქეობა აქვს და შესაბამისად, რუსულ პენსიასაც იღებენ. 2024 წლის მონაცემებით, რუსეთის მოქალაქის საშუალო პენსია 23 405 რუბლი იყო.

რუსეთის მთავრობის მიერ დუმისთვის წარდგენილ განმარტებით ბარათში ნათქვამია, რომ „სამხრეთ ოსეთის მხარემ“ უნდა დააბრუნოს საპენსიო თანხა და დანამატები, რომლებსაც პენსიონერების გარდაცვალების შემდეგ მათი ნათესავები იღებდნენ, რადგან შესაბამისი წესით, დროულად არ დაადასტურეს პენსიონერის გარდაცვალების ფაქტი.

რუსეთის მთავრობის მონაცემებით, 2016-2024 წლებში ამ თანხამ 37 762 810 რუბლი შეადგინა.

ავტორი: ექსპრესნიუსი,

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება