აშშ-ის სახელმწიფო მდივანი, მარკო რუბიო საგარეო და უსაფრთხოების პოლიტიკის საკითხებში ევროკავშირის უმაღლეს წარმომადგენელს, კაია კალასს ტელეფონით ესაუბრა. 

სახელმწიფო დეპარტამენტის განცხადების მიხედვით, რუბიომ კალასთან საუბრისას ხაზი გაუსვა ტრანსატლანტიკური უსაფრთხოების გაძლიერების საჭიროებას და ევროპულ სახელმწიფოებს თავდაცვის ხარჯების ზრდისკენ მოუწოდა. 

საუბარი შეეხო როგორც ჩინეთისგან, ასევე რუსეთისგან მომდინარე საფრთხეებს და ოფიციალური განცხადების მიხედვით, მარკო რუბიო მიესალმება ევროკავშირის მიერ რუსეთის წინააღმდეგ სანქციების გახანგრძლივებას. 

ევროკავშირმა რუსეთის წინააღმდეგ დაწესებული სანქციები რამდენიმე დღის წინ, კიდევ 6 თვით გაახანგრძლივა. თავდაპირველად, სანქციების გაგრძელებას უნგრეთი ეწინააღმდეგებოდა, თუმცა საბოლოოდ ისიც დათანხმდა და ამის მიზეზად "ევროკავშირისგან მიღებული ენერგოუსაფრთხოების გარანტიები" დაასახელა.

ავტორი: ექსპრესნიუსი,

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა